Dibadika 11:20 - MUKANDA WA MYIDI MUKULU

²⁰ Nenuudie ngondu mujima. Neunutonde, unupatukila mu diulu. Ke muanunyokabu, bualu nuvua nudiabakena, nujinga Ejipitu, nulengulula Maweja-Nangila udi munkatshi muenu.”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ kadi ngondo mujima, tô ne hanuaulukila mu diulu, neunutonde, bualu bua nuenu nuakuhidia Yehowa udi munkatshi muenu, nuakudila ku mpala kuandi ne, Tuakaluhuka mu Ejipitu bualu kai?

Dibadika 11:20 교차 참조

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

Misambu 106:15

Mvidi Mukulu kubapesha munyinyi uvuabu balombe, kuudiabu too kuleuka.

Ekesode 16:13

Dilolu adi, nyunyi ya tulumbu kuikila muaba uvua bena Izrayele batudile. Butshia dinda, lume kutalaja miaba yonsu ivua pabuipi ne mitanda yabu.

Ekesode 16:3

bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Nsumuinu 27:7

Muntu muukute udi ubenga nansha buitshi. Muena nzala udi udia bionsu, ne bidi ne bululu mene.

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Dibadika 11:13

Munyinyi wa kudia, udi bena Izrayele bonsu aba bandomba, badila ne muadi, meme ndi mua kuupeta kuepi?

Dibadika 11:19

Munyinyi awu kawakuikala wa dituku dimue, matuku abidi, asatu, dikumi, nansha makumi abidi to.

Dibadika 11:21

Moshe kukema, wamba ne: — Akia! Bena Izrayele badi muaba ewu mbapite pa binunu nkama isambombu. Muudi mua kuamba ne: nembapeshe munyinyi, mbadisha ngondu mujima mbishi?

Dibadika 14:3

Maweja-Nangila mmusue kutubueja mu ditunga dia Kenaane bua kutubutula mu mvita anyi? Bakaji betu ne bana nebashale bapika. Mbimpe tupingane mu Ejipitu!

Dibadika 14:4

Kuambilanganabu ne: — Tusungulayi mfumu mukuabu, tupingane mu Ejipitu!

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 20:4

Kadi tuetu, tshisamba tshia Maweja-Nangila, nuatufikishi mu tshipela emu bua tshinyi? Amu bua tuetu kufuilamu ne bimuna bietu anyi?

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Bienzedi 13:41

“Nuenu bena kapeja, tangilayi! Zakalayi ne bowa, nubutuke! Bualu mu tshikondu tshienu etshi nkadi pa kuenza tshishima, tshidi muntu mua kunulondela, kanuyi mua kuitaba.”

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

Yoshua 24:27

Pashishe kuambilaye bena Izrayele ne: — Monayi dibue edi: neditujadikile bualu ebu, bualu nditeleje malu onsu adi Maweja-Nangila mutuambile. Eyowa, dibue edi nedikale tshimanyinu tshidi tshinutuisha, tshinukandika bua kanulekedi Mvidi Mukulu wenu.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.