Danyele 9:6 - MUKANDA WA MYIDI MUKULU

⁶ Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

Danyele 9:6 교차 참조

2 Bakalenga 18:12

Bionsu ebi, biakuenzeka bualu bena Izrayele kabavua batumikila diyi dia Maweja-Nangila Mvidi Mukulu wabu to. Kabidi bavua bashipe ndondu wende. Bavua babenga kuteleja mikenji yende, ne kukumbaja bionsu bivua Moshe, muntu wa Maweja-Nangila, mubambile.

2 Kulondolola 33:10

Maweja-Nangila kubela mukalenga Menashe ne bantu bende bena Izrayele. Kadi, muntu nansha umue kavua mumuteleje to.

Ezela 9:7

Tshikondu tshia bankambua betu too ne mpindiewu, tshisamba tshietu tshivua tshienza bibi bitambe. Ke pavuabu batukengesha, bakengesha bakalenga betu ne batuangaji betu, kudi bakalenga ba bisamba bikuabu. Bavua batuluisha, baya netu ku bupika, banyanga bintu bietu, babakuatshisha bundu, bu mudibu benza ne lelu mene ewu.

Nehemya 9:30

Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Nehemya 9:34

Kadi bakalenga betu, ne bamfumu betu, batuangaji betu, ne bankambua betu, kabena banemeka mikenji yebe. Bavua babenge meyi ebe, too ne mibelu iuvua ubabela nayi.

Yirmeya 26:5

Nulame malu adibu banuambila kudi bambi bena mudimu banyi. Mvua munutumine bambi matuku onsu, kadi kanuvua babateleje to.

Yirmeya 29:19

Bushuwa Maweja-Nangila udi wamba ne: kabavua bateleja bimvua mubambile. Meme kubatumina misangu yonsu bantu banyi bambi, bobu nansha kubateleja to.

Yirmeya 44:16

— Udi wamba ne: ndi nnuambila malu mu dina dia Maweja-Nangila. Kadi tudi tubenga kukuteleja.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Danyele 9:10

Katuvua bakuteleje, pauvua ututumina diyi kudi bambi, bena mudimu bebe, ulomba bua tutumikile mikenji yebe.

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Bienzedi 13:27

Bualu bena mu Yerushalayime, ne bamfumu babu, kabavua bamanye ne: Yezu udi nganyi. Nanku kabavua bajingulule miaku ya bambi, ivuabu bababadila dituku dionsu dia Dikisha. Kadi bavua bakumbaje miaku eyi pa kufundila Yezu tshibawu tshia lufu.