Danyele 8:26 - MUKANDA WA MYIDI MUKULU

²⁶ Edi ke diumvuija dilelela dia tshiuvua mumone bua milambu ya kuosha dilolu ne dinda. Kadi ulame munda muebe bualu budi Mvidi Mukulu mukuleje ebu, bualu budi buleja malu a matuku atshidi kule.’

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Tshikena kumona tshiakukuambilabo bua dilolo ne dinda tshidi tshia bushuwa, kadi wewe sokoka tshikena kumona etshi, bualu bua tshidi tshilesha malu a matuku a bungi atshidi ku mpala.

Danyele 8:26 교차 참조

Yeshaya 24:22

Nebabasangishe bonsu pamue bu bena lukanu, babela mu dijimba. Nebabakangile mu nzubu wa lukanu. Papita matuku mavule, bonsu aba nebapitshile ku tshilumbu.

Yezekiyele 12:27

— Yezekiyele, bena Izrayele badi bamba ne: “Malu adi Mvidi Mukulu uleja kaena akumbana mpindiewu to.” Badi bamba kabidi ne: “Biudi wakula mu dina dia Maweja-Nangila nebikumbane amu mu tshikondu tshikuabu tshitshidi kule.”

Danyele 10:1

Mu tshidimu tshisatu tshia bukalenga bua Koreshe, mukalenga wa bakalenga wa bena Persa, Mvidi Mukulu kumanyisha Daniyele, muabu binyika kabidi ne Beltashare, bualu. Bualu ebu buvuabu kabayi mua kuela mpata, buvua bumanyisha Daniyele makenga a bungi. Daniyele kuelangana meji bikole ku bualu ebu. Kujingululaye bualu buvua Mvidi Mukulu musue kumuleja.

Danyele 10:14

Mpindiewu ndi mufike bua kukujinguluila malu adi ne bua kukuata bena tshisamba tshiebe mu matuku adi kumpala. Ke bualu bukuabu butshidi Mvidi Mukulu ukuleja bua matuku adi kumpala.’

Danyele 11:2

Mpindiewu ndi nkumanyisha mukenji wa bushiwa. “Bakalenga banene basatu nebalondangane mu bukalenga bua bena Persa. Pashishe mukalenga muinayi neakungije bubanji bupite bua bantu basatu ba kumpala. Nenku bubanji buende nebumupeteshe bukole bua bungi. Diba adi, nealuishe bukalenga bua bena Ngreke.

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 12:9

Kungandamunaye ne: ‘Daniyele, kupampakanyi nansha. Ulame miaku eyi bimpe too ne diba dia nshikidilu.

Didimanyisha 10:4

Nkavua musue kufunda diakamue bivua makubakuba amba. Kadi ke meme kumvua diyi difumina mu diulu, dingamba ne: — Kumanyishi muntu malu avua makubakuba muanda mutekete mambe. Kuafundi to.

Didimanyisha 22:10

Pashishe kungambaye ne: — Kusokoki miaku ya muambi idi mu mukanda ewu, bualu tshikondu tshidi bionsu ebi ne bua kuenzeka tshikadi pabuipi.