Danyele 8:22 - MUKANDA WA MYIDI MUKULU

²² Pakatshibuka lusengu, nsengu mikuabu inayi kumena pa muaba walu. Nsengu ayi ke makalenga makuabu anayi avua apingana pa muaba wa bukalenga bua kumpala. Kadi kabuakuikala ne bukole buvua nabu bukalenga bua kumpala nansha.

Mukanda wa Nzambi Dihungila Dikulukulu ne Dihungila Dihia-dihia 2003

²² Bu muakatshibulabo lusengu alu ne bu muakamueneka nsengu mikuabo mai mu muaba walu, nunku kabidi, makelenge anai neabike mahatuke mu tshisamba tshiandi, kedi kaena ne bukole bu buandi.

Danyele 8:22 교차 참조

Danyele 11:4

Kadi pajadikaye bukokeshi buende, nebatshibule bukalenga buende. Nebabuabanye mu ntengu inayi ya buloba. Ndelanganyi yende kayena imupingana mu bukalenga to. Bukalenga buende nebabuabanyine bantu bakuabu. Kadi bantu aba kabena bapeta bukole buvuaye nabu nansha.

Danyele 7:6

Pashishe meme kumona nyama mukuabu, uvua mufuanangane ne nkashama. Uwa ne mapuapua anayi bu a nyunyi panyima pende, kabidi ne mitu inayi. Kupetaye bumfumu.

Danyele 7:7

Pashishe meme kujoja bimpe malu avua Mvidi Mukulu undeja butuku: nyama muinayi umvua mumone, uvua ukuatshisha bowa, uvua ne lonji, kabidi ne bukole bua pa buabu. Uvua ne menu manene a tshiamu, bua kudia ne kusunsula bintu bivuaye ukuata. Uvua udiatakaja bintu bi-vuaye kayi udia. Uvua mushilangane menemene ne nyama isatu ya kumpala eyi. Uvua kabidi ne nsengu dikumi.

Danyele 8:21

Mbuji wa mpumbu ke bukalenga bua bena Ngreke. Lusengu lunene luvua pankatshi pa mesu ende, ke mukalenga wa kumpala.

Danyele 8:23

Padi makalenga aa ashikila, benji ba malu mabi bamane kuvudija malu abu mabi, mukalenga wa budisu ne dishima neamueneke.

Danyele 8:3

Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Danyele 8:8

Bukole bua mbuji wa mpumbu kudiunda. Kadi papitshi bukole buende, lusengu lunene elu kutshibuka diakamue. Pa muaba uvualu, kumenapu nsengu mikuabu minene inayi, mitangilangane ku nseke inayi ya buloba.

Zekâya 6:1

Maweja-Nangila kundeja kabidi bualu bukuabu. Meme kumona matempu a mvita anayi apatukila pankatshi pa mikuna ibidi ya tshiamu tshikunze.