Danyele 8:10 - MUKANDA WA MYIDI MUKULU

¹⁰ Kuluishalu kabidi bia mu diulu. Kuelalu bivule bia kudibi panshi, kabidi ne mitotu ya bungi. Kubidiatakajabu ku makasa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Luakalua lunene bu bintu bia mu diulu; luakela misumba mikuabo ya mitoto hanshi, luakayidiata muinshi mualu.

Danyele 8:10 교차 참조

Yeshaya 14:13

Uvua uditambisha ne: “Netubande too ne mu diulu. Nembandishe nkuasa wanyi, kulu kua mitotu ya Mvidi Mukulu. Nensombe pa mukuna, padi mvidie isomba, yela tshipangu tshiayi, ku luseke lua ku mutu kua ditunga.

Yirmeya 48:26

Bena Mowabe mbatombokele Maweja-Nangila. Nembanuishe maluvu bua bakuatshike, baluke, badishinde mu bilushi, bantu bonsu kubaseka.

Danyele 11:28

Mukalenga wa ditunga dia ku mutu neaye mu ditunga diende ne bubanji bua bungi. Mu luendu alu neenzele tshisamba tshidi tshitue ndondu wa tshijila mudiye musue. Pashishe neapingane mu ditunga diende.

Danyele 11:30

Bantu ba ku luseke ludi diba dibuelela nebafike ne majuwa a mayi. Nebamuluishe mvita. Neatekete mu maboku. Neapingane tshianyima. Nealuishe tshiakabidi tshisamba tshidi tshitue ndondu wa tshijila, bualu neumvuangane ne bantu badi babenga ndondu awu.

Danyele 7:7

Pashishe meme kujoja bimpe malu avua Mvidi Mukulu undeja butuku: nyama muinayi umvua mumone, uvua ukuatshisha bowa, uvua ne lonji, kabidi ne bukole bua pa buabu. Uvua ne menu manene a tshiamu, bua kudia ne kusunsula bintu bivuaye ukuata. Uvua udiatakaja bintu bi-vuaye kayi udia. Uvua mushilangane menemene ne nyama isatu ya kumpala eyi. Uvua kabidi ne nsengu dikumi.

Danyele 8:7

Meme kumumona ufika kudi tshimpanga, utshikuma ne tshiji tshikole, utshibula nsengu yatshi ibidi. Kubungulujaye tshimpanga panshi, katshiyi ne bukole bua kumutuila nkanana. Kutshidiatakajaye ku mikonu, kakuyi muntu uvua mua kutshipandisha.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.