Danyele 7:2 - MUKANDA WA MYIDI MUKULU

² “Butuku mvua mumone Mvidi Mukulu undeja lupepele lufumina ku ntengu inayi ya buloba, lupepa pa mayi manene.

Mukanda wa Nzambi Dihungila Dikulukulu ne Dihungila Dihia-dihia 2003

² Danyele wakamba ne, Nakadi ntangila mu tshikena kumona tshianyi butuku, ekumona, mpehele inai ya mu diulu yakaheha ha mutu ha mai manene.

Danyele 7:2 교차 참조

Yeshaya 17:12

Akia! Bisamba bungi nenku, bidi bienza mutoyi bua tshinyi? Mutoyi wabu udi bu wa tshiona tshia mayi manene. Bukua matunga budi bujuula tshimvundu, bu tshia mayi a tshibila adi apueka lubilu.

Yirmeya 49:36

Ndi ntumina bena Elame mpepele musangu umue, ifuma ku ntengu yonsu inayi ya buloba. Nanku nembatangalaje nseke yonsu. Bena tshimuangi ba bena Elame nenubasangane mu matunga onsu.

Yirmeya 51:42

Mayi manene kufika too ne ku Babilone, kumubikila ne muenji mukole.

Danyele 11:4

Kadi pajadikaye bukokeshi buende, nebatshibule bukalenga buende. Nebabuabanye mu ntengu inayi ya buloba. Ndelanganyi yende kayena imupingana mu bukalenga to. Bukalenga buende nebabuabanyine bantu bakuabu. Kadi bantu aba kabena bapeta bukole buvuaye nabu nansha.

Danyele 2:19

Nenku butuku, Mvidi Mukulu kulotesha Daniyele tshilota, kumujinguluila tshia mukalenga. Ke Daniyele kutumbisha Mvidi Mukulu wa mu diulu,

Danyele 7:13

“Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Danyele 7:7

Pashishe meme kujoja bimpe malu avua Mvidi Mukulu undeja butuku: nyama muinayi umvua mumone, uvua ukuatshisha bowa, uvua ne lonji, kabidi ne bukole bua pa buabu. Uvua ne menu manene a tshiamu, bua kudia ne kusunsula bintu bivuaye ukuata. Uvua udiatakaja bintu bi-vuaye kayi udia. Uvua mushilangane menemene ne nyama isatu ya kumpala eyi. Uvua kabidi ne nsengu dikumi.

Danyele 8:2

Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.

Danyele 8:8

Bukole bua mbuji wa mpumbu kudiunda. Kadi papitshi bukole buende, lusengu lunene elu kutshibuka diakamue. Pa muaba uvualu, kumenapu nsengu mikuabu minene inayi, mitangilangane ku nseke inayi ya buloba.

Zekâya 6:5

Kungandamunaye ne: — Matempu aa adi mpepele inayi: ivua mimane muaba udi Maweja-Nangila wa buloba bujima; mmiumuke muaba awu amu mpindiewu.

Matayi 24:31

Mpungi munene neadile. Muana wa muntu neafume batumibue bende ku ntengu inayi ya buloba. Nebasangishe badiye musungule, bafume ku ntengu ne ntengu ya buloba ayi.

Didimanyisha 17:15

Mutumibue kungambila kabidi ne: — Mayi auvua mumone muaba uvua mukaji muena buendenda musombe, ke bantu ba mu bisamba bionsu, ba mu matunga onsu, ne ba miakulu yonsu.

Didimanyisha 7:1

Malu aa mamane kupita, meme kumona batumibue banayi bimane ku ntengu inayi ya buloba. Bavua bimanyike mpepele inayi ya buloba, bua lupepele nansha lumue kalututshi pa buloba, nansha pa mayi manene, nansha ku mitshi.