Danyele 7:18 - MUKANDA WA MYIDI MUKULU

¹⁸ Kunyima kuabu tshisamba tshia tshijila tshia Mvidi Mukulu, Muena kulu, netshiangate bukalenga. Netshibulame kashidi.’

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kadi bansanto ba Nzambi Mutambe Bunene wa mu diulu nebangate bukelenge, bukelenge nebuikale kudibo tshiendelele, lahalaha.

Danyele 7:18 교차 참조

Misambu 45:16

Badi babuela mu nzubu wa mukalenga. Bantu badi bela tunkunduluila, basanka.

Misambu 49:14

Umvuayi bidi bienzekela bantu badi baditekemena. Monayi kuaya bonsu badi baditemba.

Yeshaya 14:2

Bantu ba mu bisamba bikuabu nebambuluishe bena Izrayele, nebabafile kuabu. Mu buloba bua Maweja-Nangila, bena Izrayele nebadiangatshile bantu aba balume ne bakaji bu bapika babu. Bantu bavua babela mu lukanu, bena Izrayele nebabele kabidi mu lukanu. Nebashale bamfumu ba bantu bavua babatumina diyi.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Danyele 7:17

‘Nyama minene inayi eyi idi makalenga anayi a pa buloba.

Danyele 7:22

Kadi muntu kufika, kuhingisha tshisamba tshia tshijila tshia Mvidi Mukulu, Muena kulu. Pakakumbana diba, tshisamba tshia tshijila kudiatshi bukalenga.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Obadya 1:17

Nanku bantu badi bashala ne muoyi, nebasombe mu Siyone. Mukuna wanyi awu newikale tshiakabidi wa tshijila. Ndelanganyi ya Yakobe, neyipingane mu ditunga diayi, divuabu babanyenge.

Luke 1:33

Neashale mukalenga wa bena Izrayele kashidi. Bukalenga buende kabuakuikala ne ndekelu.

1 Korente 6:2

Kanuena bamanye ne: bena tshisamba tshia Mvidi Mukulu nebalumbuluishe bantu bonsu anyi? Panudi mua kulumbuluisha bonsu ba pa buloba, munukadi kanuyi mua kukosa nsambu mikese idi munkatshi muenu mbishi?

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Didimanyisha 5:10

Wewe kubateka bakalenga ne batuangaji, bua benzele Mvidi Mukulu wetu mudimu. Nebadie bumfumu pa buloba bujima.”