Danyele 7:11 - MUKANDA WA MYIDI MUKULU

¹¹ “Mvua ndengamena, nteleja meyi makole a ditambisha avua lusengu lukese luambe. Pantshivua ntangila, kushipabu nyama muinayi. Kuelabu mubidi wende mu kapia bua Imubutula.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hanakadi ntangila, bualu bua mei a diambu akambabo kudi lusengu, bakashiha nyama au, bakabutula mubidi wandi, bakaufila bua kûshidisha mu kahia.

Danyele 7:11 교차 참조

Danyele 11:45

Nease mitanda yende ya bukalenga pankatshi pa mayi manene ne mukuna wa tshijila wa mu ditunga dipite buimpe. Koku aku nkuafuilaye, kakuyi muntu udi mua kumuambuluisha.”

Danyele 7:12

Kunyengabu nyama mikuabu bukalenga buayi. Kadi kuyishiyabu ne muoyi matuku mavule.

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.

Danyele 8:25

Udi ne budimu bua bungi. Neashime ne bantu bakuabu. Bua diditambisha diende, neabutule bantu ba bungi badi bela meji ne: tudi tusomba talalaa. Neatombokele mukalenga wa bakalenga. Ke diba didibu bamutshibula, kakuyi muntu udi wenza bualu.

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

Didimanyisha 18:8

Ke padi bipupu bionsu, bidibu bamulamina, ne bua kumukuata dituku dimue: disama dia lufu, madilu, ne tshiyole tshia nzala. Kapia nekamubutule. Bualu Maweja-Nangila udi umulumbuluisha, udi ne bukole.”

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.