Danyele 6:8 - MUKANDA WA MYIDI MUKULU

⁸ Bamfumu ba mu bukalenga buebe, balumbuluishi, balombodi ba bitupa bia buloba, ne balombodi ba ditunga, bavua babuele mu tshipangu, bafile meji a ne: utume diyi, wele mukenji mukole, wambe ne: Matuku makumi asatu, muntu udi kayi untendelela meme mukalenga wa bakalenga, kadi utendelela mvidie mikuabu, nansha munga muntu, bamuele mu buina bua nyama ya ntambue.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku, mukelenge, ujadike mukandu eu, ufunde dina diebe ha mukanda udi ne mukenji eu, bua muntu kamanyi mua kuwandamuna, bu mudi mukenji wa Bena Madai ne Bena Pelasa, udi kauyi mua kukudimuka.

Danyele 6:8 교차 참조

Estere 1:19

Nanku, mukalenga, paudi muitabe, ela mukenji wa ditunga. Ukandike kashidi mukalenga mukaji Vasti bua kamueneki kumpala kuebe to. Ufile muanzu wende kudi mukaji mukuabu udi mukumbanyine muanzu awu. Mukenji awu uufunde ku mikenji ya bena ditunga dia bena Persa ne dia bena Madayi idibu kabayi mua kukudimuna.

Estere 3:12

Kubikidishabu bafundi ba malu a mukalenga, matuku dikumi ne asatu a ngondu wa kumpala. Bilondeshile muvua Amane mubambile, bafundi kufunda mikanda, kuyitumina bamienampala ba mukalenga, balombodi ba mu ditunga, ne bamfumu ba bisamba bishilangane. Mikanda ayi, bavua bayifunde mu mfundilu mishilangane ne mu miakulu mishilangane ivuabu bakula mu ditunga. Kufundabu dina dia mukalenga ne: ke udi muyifunde. Kutuabu tshitampi tshia kakanu ka mukalenga Ahashaveroshe.

Estere 8:10

Mu mikanda ayi bavua bafunda dina dia mukalenga Ahashaveroshe, bayitue ne tshitampi ne kakanu kende ka ku munu. Kuyitumabu kudi babandi ba pa nyama ya tubalu tuvua mu bikumbi bia mu lubanza lua mukalenga.

Estere 8:3

Estere kuyukila tshiakabidi ne mukalenga, kudiela panshi ku makasa ende, udila muadi, umusengelela bua abenge malu mabi avua Amane wa ku ndelanganyi ya Agaje musue kuenzela bena Yuda.

Estere 8:8

Kadi tshiena ne mushindu wa kukandika mukenji uvuabu bela mu dina dianyi, batue ne tshitampi tshidi ne kakanu kanyi. Kadi nuenu, nudi mua kufunda mikanda, kuleja bionsu bidi binulengelela bualu bua bena Yuda. Nudi mua kufunda dina dianyi ne kutua tshitampi tshidi ne kakanu kanyi.

Misambu 94:21

Badi belela bantu bakane tshifufu, bapisha muntu udi kayi ne bualu.

Yeshaya 10:1

Nudi bena diakabi, bualu nudi nuela mikenji idi kayiyi miakane, ne meyi adi akengesha bantu banyi.

Danyele 5:28

PERESE, mmomumue ne: bakuabanyi. Mbuena kuamba ne: mbatapulule bukalenga buebe, bua kubupesha bena Madayi ne bena Persa.

Danyele 6:12

Baluishi bende kufika lukasa, kumusangana utendelela, sengelela Mvidi Mukulu wende.

Danyele 6:15

Mukalenga wa bakalenga umvua miaku ayi, kubungamaye bikole. Kuelaye meji, ukeba muvuaye mua kupandisha Daniyele. Too ne pakabuela diba uvua anu ukeba mushindu wa kumusungidila.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.