Danyele 6:13 - MUKANDA WA MYIDI MUKULU

¹³ Kuyabu kudi mukalenga wa bakalenga, bamuambila ne: — Mukalenga wa bakalenga, wewe kuela mukenji wa ne: matuku makumi asatu, muntu yonsu watendelela mvidi mukuabu, anyi muntu mukuabu, kayi untendelela meme nkayanyi, nebamuele mu buina bua nyama ya ntambue. Ki mmomu anyi? — Bulelela, ke dipangadika dituvua bangate, bilondeshile meyi a bena Madayi ne a bena Persa, adi muntu kayi mua kushintulula.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku bakakudimuna mukelenge di ne, Danyele au udi umue wa bahika ba Bena Yuda, kena ukunemeka, mukelenge, anyi mukandu uwakujadika ne dina diebe, kadi utshidi utendelela misangu isatu ku dituku ku dituku.

Danyele 6:13 교차 참조

Estere 3:8

Amane kuambila mukalenga Ahashaveroshe ne: — Mukalenga, mu bukalenga buebe, mudi tshisamba tshia bantu ba mushindu mukuabu, bamuangalaka mu bitupa bionsu bia bukalenga buebe. Bibidilu biabu mbishilangane ne bia bantu ba bisamba bikuabu bionsu. Kabena banemeka meyi ne mikandu bia mu bukalenga to. Kadi tshiudi mulekele bantu aba basomba talalaa mu ditunga ntshinyi?

Danyele 1:6

Nsongalume inayi ya mu tshisamba tshia Yuda ivua mu tshisumbu tshia ivuabu basungula ayi; mena abu: Daniyele, Ananiya, Mikayele ne Azariya.

Danyele 2:25

Ariyoke kufila Daniyele pa lukasa kuvua mukalenga, umuambila ne: — Mukalenga, ndi mupete muntu udi mua kukujinguluila tshilota tshiebe. Udi wa ku tshisumbu tshia bena Yuda badibu bakuate, bafike nabu kuneku ku bupika.

Danyele 3:11

Muntu yonsu udi ubenga kuinama panshi, ubenga kukukuila lupingu, nebamuele diakamue mu tshikutu tshidi ne kapia kakole.”

Danyele 3:12

Kadi kudi bena Yuda bakuabu, baudi muteke ku mutu kua malu a bulongolodi bua ditunga dia Babilone, mena abu adi: Shadrake, Meshake ne Abede-Nego. Mukalenga, bantu aba kabena banemeka diyi diebe diudi muele, kabena benzela mvidie yebe mudimu, kabena bakukuila lupingu lua tshiamu tshia mpawungi luudi muenzeje.

Danyele 3:8

Tshitupa tshipi, bena Babilone bakuabu kufika, bua kusonguela bena Yuda.

Danyele 5:13

Kufikabu ne Daniyele kua mukalenga. Awu kumukonka ne: — Wewe ke Daniyele, muena Yuda, wa mu bapika bavua mukalenga, tatu wanyi, mukuate mu Yuda, anyi?

Bienzedi 17:7

Yazone mmubateke kuende! Buonsu buabu badi benza bidi bibengangana ne meyi ne mikandu bia mukalenga wa bakalenga, bualu badi bamba ne: kudi mukalenga mukuabu, diende Yezu!

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!