Danyele 5:8 - MUKANDA WA MYIDI MUKULU

⁸ Bena meji bonsu ba mukalenga kusemena pabuipi. Kadi kakuvua nansha umue wa kudibu uvua mua kubala, nansha kumvuija tshidibu bafunde.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku bena meji bonso ba mukelenge bakabuela muakadiye, kadi kabakamanya mua kubala tshifundu atshi, ne kabakamanya mua kulesha mukelenge dijingulula diatshi.

Danyele 5:8 교차 참조

Genese 41:8

Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Yeshaya 47:9

Kadi makenga aa abidi, neakukuate amu dituku dimue. Neufuishe bana bebe ne bayebe amu diatshimue. Bionsu ebi nebikuenzekele, nansha baloji ne bena majimbu benza tshinyi ne ntshinyi, bua kukusungidila.

Yirmeya 50:35

Maweja-Nangila udi wamba ne: Bashipe bena Babilone, bashipe bantu ba mu tshimenga tshinene, bashipe balombodi ba mu bukalenga ne bena meji.

Danyele 2:27

Daniyele kumuandamuna ne: — Mukalenga, bualu busokome buudi webeja, mbualu budi bena meji, bena bilengulengu, bamanyi ba malu a mitotu, bena majimbu, ne babuki ba mbuku, kabayi mua kujingulula.

Danyele 4:18

Mutshi awu wa mabeji mimpe uvua mukuame bimuma bia bungi, bivua bantu bonsu mua kudia kuukuta. Nyama ya mu mpata ivua ilala mu dileji diawu, nyunyi ivua mibake masua ayi mu matamba awu.

Danyele 4:4

Babuki ba mbuku, bena majimbu ne bena bilengulengu, bamanyi ba malu a mitotu, bonsu kufika. Meme kubawila tshilota. Muntu nansha umue wa kudibu kavua ne lungenyi lua kutshinjinguluila.

Danyele 4:7

Pamvua mulale mu bulalu buanyi, mvua mulote nenku: Mutshi mule uvua muimane kulu munkatshi mua buloba.

Danyele 5:15

Bavua bantuadile bena meji ne benji ba majimbu, bua babale bualu budibu bafunde ebu, babumvuija. Kadi mbapange bualu.