Danyele 5:20 - MUKANDA WA MYIDI MUKULU

²⁰ Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi hakadisueye, ne hakakolesheye mutshima wandi, ne bua malu â yeye wakenza malu a dihetu, bakamûmusha mu nkuasa wandi wa bukelenge, bakamunyenga butumbi buandi.

Danyele 5:20 교차 참조

2 Bakalenga 17:14

Kadi bantu abu, kabena bitabe bivuabu babambila abi to. Bavua batomboka, anu bu muvuabu benza kudi bankambua babu, bavua babenga mua kuitaba Maweja-Nangila Mvidi Mukulu wabu.

2 Kulondolola 32:25

Kadi, Izkiya kavua wanyisha Mvidi Mukulu bua bionsu bivuaye mumuenzele. Uvua anu uditambisha. Nanku, Maweja-Nangila kumufikila munda, kufikila kabidi bena Yerushalayime, ne bena bukalenga bua Yuda munda.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Ekesode 9:17

Kadi utshidi anu uditambisha, ubenga mua kutekela bantu banyi.

Ekesode 9:7

Mukalenga wa bena Ejipitu kukonka bantu bende bua kujadika tshivua tshienzeke. Kumuambilabu ne: bimuna bia bena Izrayele kabiena bifua nansha tshimue. Kadi mukalenga wa bena Ejipitu kena mutekete bena Izrayele to. Uvua anu ne tshitunu.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 16:5

Maweja-Nangila udi udiwula bantu badi baditambisha. Bushuwa neabanyoke kamuyi mpata.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yirmeya 19:15

— Maweja-Nangila Mvidi Mukulu wa Izrayele udi wamba ne: “Nentume makenga onsu amvua muambe ku tshimenga etshi ne mu misoku idi pabuipi natshi. Bualu badi basamu mbantombokele. Kabena bateleja diyi dianyi.”

Yirmeya 48:18

Bena Dibone, nutuluke mu nkuasa wenu wa lumu, nusombe mu lupuishi. Bualu baluishi bavua babutula Mowabe badi bafika bua kunuluisha nuenu. Badi bashimbula nzubu yenu inuvua bakoleshe ne bimana.

Yezekiyele 30:6

Meme Maweja-Nangila ndi njadika ne: biangatshile ku Migdole, tshimenga tshidi ku mutu too ne ku Ashuwane, kuinshi mu ditunga, bena mvita badi bambuluisha bena Ejipitu, nebafuile mu mvita. Tshiluilu tshivua bena Ejipitu baditambisha natshi netshibutuke. Eyowa, meme Maweja-Nangila Mvidi Mukulu, ndi njadika bualu ebu.

Yezekiyele 31:10

“Mpindiewu, meme Maweja-Nangila ndi ngamba ne: Mutshi wa sedre kukola, kulepa, kuya too ne mu mavuba. Kadi mua kabidi uditambisha amu kuditambisha.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 4:26

Tshidimu tshijima tshimane kupita, mukalenga uvua wendakana pa musaka wa nzubu wa bukalenga wa mu Babilone.

Danyele 4:28

Amu patshivua mukalenga ne miaku eyi mukana, diyi kufuma mu diulu diamba ne: — Mukalenga Nebukadnesare, teleja: Bakunyengi bukalenga!

Danyele 8:8

Bukole bua mbuji wa mpumbu kudiunda. Kadi papitshi bukole buende, lusengu lunene elu kutshibuka diakamue. Pa muaba uvualu, kumenapu nsengu mikuabu minene inayi, mitangilangane ku nseke inayi ya buloba.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Ebrewu 3:13

Kadi nukoleshangane ku muoyi dituku dionsu. Bidi Mikanda ya tshijila yamba bitshidi bilelela buetu tuetu “lelu.” Nenku muntu wa kunudi, kapapiji muoyi wende, kanyishi bua mibi imudinge.

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.