Danyele 5:2 - MUKANDA WA MYIDI MUKULU

² Pakavuamaluvu mamukuate, kutumaye diyi, bua bafike ne makopu a tshiamu tshia mpawungi ne a tshiamu tshitoke tshia mushinga mukole, avua tatuende Nebukadnesare mupawule mu nzubu wa Mvidi Mukulu wa mu Yerushalayime. Uvua musue kunuinamu maluvu, yeye, ne bantu banene ba mu bukalenga buende, ne bakaji bende ba biuma, ne bakaji bavuaye mubanjije.

Mukanda wa Nzambi Dihungila Dikulukulu ne Dihungila Dihia-dihia 2003

² Hakadi Beleshasâ ulabula nvinyo, wakatuma mukenji ne, Balue ne mpanza ya or ne ya argent, yakadi tatu wandi Nebukadenesâ muhaule mu ntempelo wa mu Yelushalema bua mukelenge ne miloho yandi, bakashi bandi ne bakashi hahika bakabakeye banuinemu.

Danyele 5:2 교차 참조

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

2 Bakalenga 24:13

Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

2 Bakalenga 25:15

Nebuzaradane kuangata kabidi bintu bionsu bia tshiamu tshia mpawungi, ne bia tshiamu tshitoke tshia mushinga mukole: mbabula, ne makopu a kumiamina nawu.

2 Kulondolola 11:20

Pashishe, Robowame kusela Maaka, muana wa Abishalome. Kulelaye nende bana ba balume banayi: Abiya, Atayi, Ziza ne Shelomite.

2 Kulondolola 15:16

Mukalenga Asa kubenga bua kabinyiki kakuende Maaka dina dia ne: “Mukalenga Muadi”. Bualu Maaka uvua ne meji mabi a kuenza lupingu lua mvidie mukaji Ashera. Mukalenga Asa kutuma diyi, bua banyangakaje lupingu alu, baluzaze, baloshile ku muelelu wa mayi a Sedrone.

2 Kulondolola 36:10

Ku ntuadijilu wa tshidimu, Nebukadnesare kutuma bena mvita bua bakuate Yowakine, bamufite ku Babilone ne bintu bia mushinga mukole bia mu nzubu wa Maweja-Nangila. Nebukadnesare kusungula Sedekiya muanabu ne Yowakine, bua kushalaye mukalenga wa bena Yerushalayime ne wa bena Yuda.

2 Kulondolola 36:18

Kuangataye bintu bionsu binene ne bikese bivua mu nzubu wa Mvidi Mukulu, ne mu tshibutshilu tshia nzubu wa Mvidi Mukulu, ne tshia mukalenga Sedekiya ne tshia balombodi ba mu bukalenga buende. Kuyaye ne bintu bionsu abi ku Babilone.

Ezela 5:14

Mukalenga Nebukadnesare uvua muangate bintu bia tshiamu tshia mpawungi, ne bia tshiamu tshitoke tshia mushinga mukole, bivua mu nzubu wa Mvidi Mukulu wa mu Yerushalayime, muye kubiteka mu nzubu wa mvidie wende mu Babilone. Koreshe, mukalenga munene, kuangata bintu abi mu nzubu wa mvidie mu Babilone, kubipesha Sheshebashare, uvuaye muteke mulombodi wa buloba bua bena Yuda.

Yirmeya 27:7

Matunga onsu neikale ku bumfumu buende, ku bumfumu bua muanende, ne bua muikuluende. Kadi tshikondu netshifike tshidi baluishi bakuata ditunga diende. Nedishale ku bumfumu bua matunga adi madipite ku bukole. Mukalenga wadi neikale ku diyi dia bakalenga badi bamupita bukole.

Yirmeya 50:35

Maweja-Nangila udi wamba ne: Bashipe bena Babilone, bashipe bantu ba mu tshimenga tshinene, bashipe balombodi ba mu bukalenga ne bena meji.

Yirmeya 52:19

Mulombodi wa bena mvita balami, uvua muangate kabidi bintu bionsu bivuabu benza ne tshiamu tshia mpawungi ne bia tshiamu tshitoke tshia mushinga mukole: ke malongu makese, mbabula, makopu a kumiamina nawu, ngesu ya kuboya nayi butu, bitekelu bia miendu, makopu ne ngesu mikuabu.

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

Danyele 5:13

Kufikabu ne Daniyele kua mukalenga. Awu kumukonka ne: — Wewe ke Daniyele, muena Yuda, wa mu bapika bavua mukalenga, tatu wanyi, mukuate mu Yuda, anyi?

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Danyele 5:3

Kufikabu ne makopu a tshiamu tshia mpawungi avua muaba wa tshijila mu Yerushalayime. Mukalenga kunuinamu maluvu, ne bonsu bavuaye mubikile.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Danyele 5:4

Bonsu bamane kunua maluvu a bungi, kutumbishabu mvidie idibu batula ne tshiamu tshia mpawungi, ne tshiamu tshitoke tshia mushinga mukole, tshikunze, tshifiike, ne mvidie idibu basonge ne mabaya, kabidi ne mabue.