Danyele 5:19 - MUKANDA WA MYIDI MUKULU

¹⁹ Bantu ba matunga onsu, ba bisamba bionsu, ne ba miakulu yonsu, bavua bazakala kumpala kuende, bamutshina bua bunene buvua Mvidi Mukulu mumupeshe. Uvua ushipa bavuaye musue kushipa. Uvua ushiya ne muoyi bavuaye musue kushiya nawu. Uvua ubandisha anyi ufuisha bundu, bavuaye musue kubandisha anyi kufuisha bundu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bua bunene buakamuhesheye, bantu ba bisamba bionso ne ba mu miaku yonso bakazakala ku mpala kuandi ne bakamutshina. Bakasueye kushiha, wakabashiha; bakasueye kushiya ne muoyo, wakabashiya ne muoyo; bakasueye kubandisha, wakababandisha; bakasueye kuhuekesha, wakabahuekesha.

Danyele 5:19 교차 참조

2 Bakalenga 25:28

Kuambilaye Yowakine malu ne muoyi muimpe onso, kumutekaye mu muanzu uvua mupite wa bakalenga bakuabu bavua nende mu Babilone.

Nsumuinu 16:14

Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Muambi 8:3

Nanku katubengi bumfumu buende. Katutungunuki ne malu adiye udiwula. Bualu mukalenga udi wenza amu tshidiye musue.

Yezekiyele 31:11

Ke pandi muubenge, muufile kudi mukalenga wa pa buloba udi ne bukole bupite. Mukalenga awu neaunyoke bua bubi buawu.

Danyele 11:12

Mukalenga wa ditunga dia kuinshi, neaditambishe bua ditshimuna diende adi. Kadi nansha muyilaye mushipeshe binunu ne binunu bia bena mvita, kakubatshimuna kashidi nansha.

Danyele 11:16

Kadi udi ufika, ubuela mu ditunga, neenze mudiye musue. Bualu kakuakuikala muntu udi mua kumutuila nkanana. Pajikijaye kubutula miaba yonsu idiye upitshila, neabanze mu ditunga didi dipite buimpe.

Danyele 11:3

Kadi muena mvita mukuabu neadie bukalenga bua bena Ngreke. Neikale ku mutu kua ditunga dialabale. Neenze mudiye musue.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Danyele 3:4

Mulombodi wa tshibilu kuela diyi dikole, wamba ne: — Nuenu bantu ba mu matunga onsu, ba bisamba bionsu, ba miakulu yonsu, telejayi tshindi ngamba:

Danyele 3:6

Muntu yonsu udi ubenga kuinama panshi, kabidi ubenga kukukuila lupingu alu, badi bamuela diakamue mu tshikutu tshidi ne kapia kakole.”

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Danyele 4:22

nebakuipate munkatshi mua bantu! Neusombe ne nyama ya mu tshisuku. Neudie bisosa mudi ngombe idia. Lumuma lukuboleshe! Neushale mushindu ewu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, kabidi udi upesha muntu udiye musue bukalenga.

Abakuke 2:5

Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Rome 13:1

Muntu yonsu udi ne bua kutumikila bamfumu badi balombola ditunga. Bualu kakuena bumfumu budi kabuyi bufuma kudi Mvidi Mukulu. Yeye ke udi muteke bamfumu bonsu muaba wabu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.