Danyele 5:13 - MUKANDA WA MYIDI MUKULU

¹³ Kufikabu ne Daniyele kua mukalenga. Awu kumukonka ne: — Wewe ke Daniyele, muena Yuda, wa mu bapika bavua mukalenga, tatu wanyi, mukuate mu Yuda, anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku bakalua ne Danyele ku mpala kua mukelenge. Mukelenge wakakonka Danyele ne, Wewe udi Danyele au, wa munkatshi mua bahika ba ku buloba bua Yuda, wakangata tatu wanyi mukelenge ku buloba bua Yuda, anyi?

Danyele 5:13 교차 참조

Ezela 10:16

Bena Izrayele bakuabu bavua bafume ku bupika, kuitaba meji awu. Mutuangaji Ezra kusungula mu diku dionsu bamfumu, kutela ne dina diabu. Bantu abu kusangila biangatshile ku dituku dia kumpala dia ngondu wa dikumi, bua kuakaja tshilumbu etshi tshijima.

Ezela 10:7

Bavua batuma mukanda mu Yerushalayime ne mu ditunga dia Yuda, bua bantu bonsu bafume mu bupika basangile mu Yerushalayime.

Ezela 4:1

Bena lukuna ba bena Yuda ne ba bena Binyamine kumvua lumu ne: bantu bavuabu baye nabu mu bupika, katshia bapingane, badi bibaka nzubu wa Maweja-Nangila Mvidi Mukulu wa bena Izrayele.

Ezela 6:16

Bena Yuda, batuangaji, bena Levi ne bantu bakuabu bavua bafume ku bupika, kubandabu nzubu wa Mvidi Mukulu ne disanka, kumujidila.

Danyele 1:1

Yoyakime, mukalenga wa bena Yuda mumane kushala bidimu bisatu mu bukalenga, Nebukadnesare, mukalenga wa Babilone, kukuataye tshimenga tshia Yerushalayime.

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Danyele 1:21

Daniyele kushala ku mudimu wa mukalenga too ne ku tshikondu tshiwa Koreshe mushale mukalenga wa bakalenga.

Danyele 1:6

Nsongalume inayi ya mu tshisamba tshia Yuda ivua mu tshisumbu tshia ivuabu basungula ayi; mena abu: Daniyele, Ananiya, Mikayele ne Azariya.

Danyele 2:25

Ariyoke kufila Daniyele pa lukasa kuvua mukalenga, umuambila ne: — Mukalenga, ndi mupete muntu udi mua kukujinguluila tshilota tshiebe. Udi wa ku tshisumbu tshia bena Yuda badibu bakuate, bafike nabu kuneku ku bupika.

Danyele 2:48

Pashishe mukalenga kupesha Daniyele mianzu minene, ne bintu bia disanka bia bungi, bia mushinga mukole. Kumutekaye mulombodi wa buloba bua Babilone, kabidi mfumu munene wa bena meji bonsu ba mu Babilone.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

Danyele 5:14

Mvua mumvue lumu luebe, bamba ne: Wewe udi ne mueyelu wa mvidie, udi udianza kumona malu ne lungenyi ne meji a pa buawu.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:2

Pakavuamaluvu mamukuate, kutumaye diyi, bua bafike ne makopu a tshiamu tshia mpawungi ne a tshiamu tshitoke tshia mushinga mukole, avua tatuende Nebukadnesare mupawule mu nzubu wa Mvidi Mukulu wa mu Yerushalayime. Uvua musue kunuinamu maluvu, yeye, ne bantu banene ba mu bukalenga buende, ne bakaji bende ba biuma, ne bakaji bavuaye mubanjije.

Danyele 6:13

Kuyabu kudi mukalenga wa bakalenga, bamuambila ne: — Mukalenga wa bakalenga, wewe kuela mukenji wa ne: matuku makumi asatu, muntu yonsu watendelela mvidi mukuabu, anyi muntu mukuabu, kayi untendelela meme nkayanyi, nebamuele mu buina bua nyama ya ntambue. Ki mmomu anyi? — Bulelela, ke dipangadika dituvua bangate, bilondeshile meyi a bena Madayi ne a bena Persa, adi muntu kayi mua kushintulula.

Danyele 8:1

“Mu tshidimu tshisatu tshia bukalenga bua Baltazare, meme Daniyele, mvua mumone bualu bupiabupia budi Mvidi Mukulu mundeje kunyima kua bumvua mumone kumpala.

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Yowanane 7:1

Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa.

Yowanane 7:3

Bana babu ne Yezu kumuambila ne: — Umuka munemu, uye mu Yudeya bua balongi bebe kabidi bamone midimu iudi ukuata.