Danyele 4:14 - MUKANDA WA MYIDI MUKULU

¹⁴ Batumibue ba Mvidi Mukulu kufikisha dipangadika edi, bua bantu bonsu badi ne muoyi bamanye ne: Mvidi Mukulu, Muena kulu, udi mfumu wa makalenga a bantu. Udi upesha muntu udiye musue bukalenga. Udi mua kubupesha nansha muntu udi mushadile ku bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakela dî dikole, wamba ne, Shimbulai mutshi eu, kosai matamba au, hoholai mabeshi au, tangalashai mamuma au! Nyama yumuke muinshi muau, nyunyu idi ha matamba au ibuke.

Danyele 4:14 교차 참조

Yobe 24:20

Mamu uvua mubalele ukadi mubapue muoyi. Badi babadia kudi misanda. Bantu kabena babavuluka kabidi to. Badi batshibula bubi bu mudi mutshi.

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Yirmeya 51:6

Umukayi mu Babilone nunyeme lubilu bua nupande. Kabanushipi nuenu, bua bilema bia bena Babilone. Maweja-Nangila udi udisombuela. Ke tshikondu tshidiye upingajila bena Babilone, bibi bionsu bivuabu benza.

Yirmeya 51:9

Kadi benyi bonsu badi basomba mu Babilone, badi bamba ne: — Tuvua bondapa Babilone, kadi kena musanguluke to. Nanku tumuke tumushiye. Tupingane muntu kuende, muntu kuende. Bualu tshibawu tshiende ntshinene tshipite. Udi umunyoka ke Muena Kulu!

Yezekiyele 31:10

“Mpindiewu, meme Maweja-Nangila ndi ngamba ne: Mutshi wa sedre kukola, kulepa, kuya too ne mu mavuba. Kadi mua kabidi uditambisha amu kuditambisha.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Danyele 3:4

Mulombodi wa tshibilu kuela diyi dikole, wamba ne: — Nuenu bantu ba mu matunga onsu, ba bisamba bionsu, ba miakulu yonsu, telejayi tshindi ngamba:

Danyele 4:12

Kadi nushiye amu tshikuku mu buloba ne miji yatshi, tshishale munkatshi mua bisosa bia mu mpata. Nutshisuike ne lukanu lua tshiamu tshifiike, ne lua tshiamu tshikunze, bua tshishale panshi. Lumuma lutshiboleshe, tshidie bisosa bia mu mpata, mudi nyama yenza.

Danyele 4:23

Pashishe mukenji wa kushiya tshikuku tshia mutshi ne miji yatshi, udi utumanyisha ne: Nebakupingajile bukalenga buebe, pawamanya ne: Mvidi Mukulu wa mu diulu ke udi Mfumu.

Danyele 4:29

Nebakuipate munkatshi mua bantu! Neusombe ne nyama ya mu tshisuku. Neudie bisosa, mudi ngombe idia! Neushale mushindu awu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Matayi 3:10

Mbamane kulongolola kasuyi bua kukosela mutshi ku miji. Mutshi onsu udi kauyi ukuama tshimuma tshimpe, nebaukose, bawela mu kapia.

Matayi 7:19

Mutshi onsu udi kauyi ukuama bimuma bimpe, nebaukose, bawele muiku.

Luke 3:9

mBamane kulongolola kasuyi, bua bakosele naku mitshi ku miji. Mutshi onsu udi kauyi ukuama bimuma bilenga, nebaukose, bawele mu kapia.

Didimanyisha 10:3

Uvua wela diyi dikole, bu ntambue ukungula. Yeye mumane kuela lubila, ke makubakuba muanda mutekete kukungula, andamuna ku lubila luende.

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.