Danyele 3:2 - MUKANDA WA MYIDI MUKULU

² Mukalenga Nebukadnesare kutuma diyi bua basangishe balombodi ba maloba, balombodi ba midimu, balombodi ba bimenga, bafidi ba ngenyi, balami ba bibutshilu, bandumbulula ne balombodi bakuabu ba mu bukalenga. Bavua ne bua kufika bonsu ku tshibilu tshia dibanjija dia lupingu luvua mukalenga Nebukadnesare muenzeje.

Mukanda wa Nzambi Dihungila Dikulukulu ne Dihungila Dihia-dihia 2003

² Hashishe nfumu Nebukadenesâ wakatuma dî bua kusangishabo tuhita, miloho, ba-gouverneur, balumbuluishi, balami ba tshibutshilu, bena meji, bamanyi ba mikenji ne bakokeshi bonso ba mu province, balue biabo ku dijidila dia luhingu luakadi nfumu Nebukadenesâ muimanyike.

Danyele 3:2 교차 참조

1 Bakalenga 12:32

Yerobowame kujadika bua bikale benza tshibilu mu matuku dikumi ne atanu a ngondu wa muanda mukulu. Tshibilu atshi, tshivua mushindu umue ne tshivuabu benza mu buloba bua bena Yuda. Kabidi Yerobowame nkayende uvua ulambula milambu pa tshilambuilu. Ke tshivua Yerobowame wenza mu Betele. Uvua ulambuila mpingu ya tuana tua ngombe tuvuaye wenza milambu ayi. Batuangaji bakuabu bavuaye musungule bua kuenzabu mudimu miaba ya tshijila, uvua mubateke ne mu Betele amu.

Nsumuinu 29:12

Padi mfumu witaba malu a dishima, bonsu badi kuinshi kuende nebandamuke bena dishima.

Danyele 3:27

Balombodi ba maloba, ba matunga, ba bimenga, ne balombodi ba mu bukalenga kukungila bua kukenketa bantu abu. Kumonabu ne: kapia kakavua kabenzela bualu nansha bumue. Nsuki yabu kayivua mipie to. Bilamba biabu kabivua bipia. Nansha mupuya wa kapia kauvua ubanunka pambidi to.

Danyele 3:3

Balombodi bonsu ba mu bukalenga abu kutuilangana ku tshibilu, kuimana kumpala kua lupingu bua kulubanjija.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

Didimanyisha 17:2

Bakalenga ba matunga bavua benda nende buendenda. Bantu ba pa buloba bavua bakuatshike maluvu a ku buendenda buende bubi.

Balombodi 16:23

Dituku dikuabu, bakalenga ba bena Peleshete kudisangisha bua kuenza tshibilu tshia ditshimuna diabu. Kulambulabu mvidie wabu Dagone mulambu munene, bimba misambu, bamba ne: — Mvidie wetu watupeshi Shimeshone, muluishi wa bena Peleshete.