Danyele 3:16 - MUKANDA WA MYIDI MUKULU

¹⁶ Shadrake, Meshake ne Abede-Nego kuandamuna mukalenga Nebukadnesare ne: — Mukalenga, katuena basue kudibingisha kumpala kuebe to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Shadalaka, Meshaka ne Abedenego bakakudimuna mukelenge dî ne, Mukelenge Nebukadenesâ, katuena ne bualu bua kukukudimuna dî mu muanda eu nansha.

Danyele 3:16 교차 참조

Muambi 4:12

Muntu umue kena mua kutua nkanana, amu bantu babidi, kadi nangananga basatu. Bualu badi bamba ne: Tshipia tshia nshinga isatu katshiena mua kutuka to.

Danyele 1:7

Mulombodi wa bena mudimu ba mukalenga kubinyika mena mapiamapia. Kuinyikaye Daniyele Beltashare; kupeshaye Ananiya dina dia Shadrake, Mikayele dia Meshake, ne Azariya dia Abede-Nego.

Danyele 3:12

Kadi kudi bena Yuda bakuabu, baudi muteke ku mutu kua malu a bulongolodi bua ditunga dia Babilone, mena abu adi: Shadrake, Meshake ne Abede-Nego. Mukalenga, bantu aba kabena banemeka diyi diebe diudi muele, kabena benzela mvidie yebe mudimu, kabena bakukuila lupingu lua tshiamu tshia mpawungi luudi muenzeje.

Danyele 3:28

Ke Nebukadnesare kuela lubila ne: — Mvidi Mukulu wa Shadrake, Meshake ne Abede-Nego atumbe! Udi mutume mutumibue wende bua asungidile bantu bende bavua bamueyemena, babenga kutumikila diyi dianyi dia bukalenga. Bavua basue bua babakengeshe pa mutu pa kutendelela ne kukukuila mvidie mikuabu pa muaba wa Mvidi Mukulu wabu.