Danyele 2:9 - MUKANDA WA MYIDI MUKULU

⁹ Panudi kanuyi nungawila tshindi mulote, tshibawu netshikale tshia mumue bua bantu bonsu. Bualu nudi bumvuangane bua kungambila miaku ya dishima ne ya tshianana, too ne pandi ngandamuna bimvua mupangadike. Kadi ndi musue nungawile tshilota. Nenku nemmanye ne: nudi mua kutshinjinguluila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Binuikala kanuyi nungambila tshilota etshi, mukenji au umuehele neunukuate bonso. Bualu bua nuakuhunga dî bua kuamba mei a mashimi ne a kudinga nʼau ku mpala kuanyi, tô ne hakudimuka bualu. Nunku nungambile tshilota, nemmanye ne nudi bamanye mua kundesha dijingulula diatshi.

Danyele 2:9 교차 참조

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

Estere 4:11

“Bantu bonsu, bena mudimu ba mukalenga, nansha badi basomba mu matunga a mu bukalenga, mbamanye bimpe ne: Muntu yonsu, mulume nansha mukaji, udi udiyila mu lubanza munda mua lupangu lua mukalenga, kabayi bamubikila kudi mukalenga, tshiende ndufu. Udi mua kushala ne muoyi amu padi mukalenga umuoluela dikombu diende dia mpawungi. Kadi meme, kukadi mpindiewu ngondu mujima, udi mukalenga kayi mumbikile pabuipi nende.”

Nsumuinu 12:19

Malu malelela neashale kashidi. Kadi miaku ya dishima neishale katupa kipi.

Yeshaya 41:23

Eyowa, tuambilayi malu avuavua kuenzeka bidimu bidi kumpala. Nanku netumanye bushiwa, munudi nuudie milelela. Enzayiku, nansha malu mimpe nansha mabi, bua tuetu kujadika munudi mvidie, tushale kunutshina.

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Yezekiyele 13:17

— Yezekiyele, mpindiewu ubele bakaji ba mu Yerushalayime, badi bambila bantu malu mu dina diabu bobu nkayabu, babamanyisha malu a dishima.

Yezekiyele 13:19

Nudi numpepeja ku mesu a bantu banyi, anu bua kupeta dianza dia bukula ne bipesa bia mampa. Panudi nutshimbisha bantu banyi, bena bitabataba, nudi nukebela badi kabayi ne bualu lufu, kadi nudi nulama ne muoyi badi bakanyina lufu.

Yezekiyele 13:6

Bambi aba badi bambila bantu malu a dishima, babadinga. Badi bamba ne: “Telejayi malu adi Maweja-Nangila unumanyisha.” Kadi meme Maweja-Nangila tshivua mubatume to. Kadi badi amu batekemena bua nkumbaje miaku yabu.

Danyele 2:16

Daniyele kuya diakamue ku nzubu kua mukalenga, kumusengelela bua amuambile tshikondu tshidiye mua kumujinguluila tshilota tshiende.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Danyele 2:8

Mukalenga kuandamuna ne: — Ndi mumone ne: nudi basue kulepesha diba, bualu nudi bamone mundi mumane kupangadika mua kuenza.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Danyele 5:28

PERESE, mmomumue ne: bakuabanyi. Mbuena kuamba ne: mbatapulule bukalenga buebe, bua kubupesha bena Madayi ne bena Persa.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.