Danyele 2:45 - MUKANDA WA MYIDI MUKULU

⁴⁵ Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ Bualu ebu budi bu muwakumona, dibue diakulamuka ku mukuna, tshianza tshia muntu katshiyi tshi dilenga, diakutshibula tshiamu tshifike, tshiamu tshia mitaku, dima, argent ne or. Nzambi Munene wakumanyisha mukelenge malu atshidi alua. Tshilota tshidi tshia hushuwa ne dijingulula diatshi didi dilelela.

Danyele 2:45 교차 참조

Genese 41:26

Ngombe ya mubidi muimpe muanda mutekete ne miepu ya mponda mimpe muanda mutekete bidi bileja bidimu muanda mutekete. Nanku bilota biebe bibidi bidi amu bu tshilota tshimue.

Genese 41:28

Mukalenga, ndi mumane kukuambila ne: Mvidi Mukulu udi mukuleje malu adiye musue kuenza.

Genese 41:32

Paudi mulote ndota ayi mishindu ibidi ya momumue, umanye ne: Mvidi Mukulu mmumane kujadika bualu ebu, kabidi neabukumbaje lukasa.

2 Samuele 7:22

Maweja-Nangila Mvidi Mukulu wanyi, wewe udi muena bukole buonsu! Kakuena mukuabu udi bu wewe. Ke mutudi bumvue bantu bonsu bamba nanku.

1 Kulondolola 16:25

Maweja-Nangila udi munene, wa kutumbisha bipite, wa kutshina ku mutu kua mvidie yonsu.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Yobe 36:26

Eyowa, Mvidi Mukulu mmunene. Katuena mua kujingulula bunene buende. Kabena mua kubadika bidimu biende to.

Misambu 135:5

Ndi mumanye ne: Maweja-Nangila udi munene; Mukalenga wetu mmupite mvidie yonsu.

Misambu 145:3

Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Misambu 2:9

Neubutekeshe ne dikombu dia tshiamu. Neubuzaze bu luesu lua dibumba.”

Misambu 48:1

Musambu wa mu mukanda wa misambu wa bena Kora.

Misambu 96:4

Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Danyele 2:24

Pashishe Daniyele kuya kua Ariyoke, uvua mukalenga mupeshe bukenji bua kushipa bena meji ba mu Babilone. Ufika, kumuambilaye diakamue ne: — Kushipeshi bena meji ba mu Babilone nansha! Umfile kudi mukalenga. Meme nemmujinguluile tshilota tshiende.

Danyele 2:28

Kadi mu diulu mudi Mvidi Mukulu, udi umanyisha bantu malu masokome. Yeye ke udi mukumanyishe wewe mukalenga Nebukadnesare malu adi ne bua kuenzeka matuku atshidi kumpala. Kadi tshiuvua mulote ntshietshi.

Danyele 2:29

Mukalenga, pauvua mulale uvua welangana meji bua malu atshidi kumpala. Ke padi Mvidi Mukulu, udi umanyisha bantu malu masokome, mukumanyishe malu adi ne bua kuenzeka matuku adi kumpala.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 8:25

Udi ne budimu bua bungi. Neashime ne bantu bakuabu. Bua diditambisha diende, neabutule bantu ba bungi badi bela meji ne: tudi tusomba talalaa. Neatombokele mukalenga wa bakalenga. Ke diba didibu bamutshibula, kakuyi muntu udi wenza bualu.

Agayi 2:22

Nengumushe bakalenga mu nkuasa yabu. Nenshipe makalenga pa buloba. Nentonkole matempu a nwita, ne badi baendesha. Nyama ya tubalu neyifue. Badi babandapu nebakuluke, bafue ku miele yabu.

Zekâya 12:3

Dituku adi, nengenze Yerushalayime dibue dinene dia bujitu, didi bantu bakeba kuambula. Kadi bonsu badi badiambula nebatapike. Nenku bisamba bionsu bia pa buloba nebidisangishe bua kuluisha Yerushalayime.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Matayi 21:24

Yezu kubandamuna ne: — Meme kabidi ndi musue kunuela lukonku amu lumue. Nuenu bangandamune, nanku nennuambile bumfumu bundi ngenza nabu bionsu ebi.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Luke 17:20

Baparushe bavua bakonka Yezu ne: — Bukalenga bua Mvidi Mukulu nebufike diba kaayi? Yezu kubandamuna ne: — Bukalenga bua Mvidi Mukulu kabuena bufika mushindu udi bantu mua kubumona bimpe to.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Didimanyisha 1:19

Nenku funda biudi umona, bidi bienzeka mpindiewu, ne biavua kuenzeka pashishe.

Didimanyisha 19:17

Pashishe meme kumona mutumibue muimane mu diba. Uvua wela nyunyi yonsu ivua ibuuka mulu mule diyi dikole ne: “Luayi, nusangile bonsu mu tshibilu tshinene tshia Mvidi Mukulu!

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.