Danyele 2:23 - MUKANDA WA MYIDI MUKULU

²³ Mvidi Mukulu wa bankambua banyi, ndi nkuanyisha, nkutumbisha. Udi mumpeshe meji ne bukole. Udi mummanyishe bualu butuvua bakulombe, mututanduile bualu buvua butatshisha mukalenga.”

Mukanda wa Nzambi Dihungila Dikulukulu ne Dihungila Dihia-dihia 2003

²³ Ndi nkusakidila, ndi nkutumbisha, wewe Nzambi wa bankambua banyi, wakumpa meji ne bukole, ne mpindiu wakummanyisha bualu butuakulomba kûdi; bualu bua waku tumanyisha bualu abu bua mukelenge.

Danyele 2:23 교차 참조

Genese 18:17

Maweja-Nangila kuamba mundamunda muende ne: — Tshiena mua kusokoka Abrahame bualu bundi nya kuenza to,

Genese 31:42

Mvidi Mukulu wa nkambua wanyi Abrahame, ne Mvidi Mukulu uvua mukuatshishe tatu wanyi Izake bowa, kayi mungambuluishe, uvua mua kumpingaja kuetu bianza bitupu. Kadi Mvidi Mukulu uvua mumone mumvua mudipuekeshe, mumone kabidi mudimu mukole undi mukuenzele. Ke padi Mvidi Mukulu mumbingishe butuku buudi wamba abu.

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

1 Bakalenga 8:57

Mpindiewu, ndi ndomba Maweja-Nangila Mvidi Mukulu wetu, bua ikale netu bu nuwuaye ne bankambua betu. Maweja-Nangila, kutulekedi to. Ikale anu utuambuluisha.

1 Kulondolola 29:10

Davide udi utendakena Maweja-Nangila, bena Izrayele bonsu basangile, wamba ne: — Maweja-Nangila, Mvidi Mukulu wa nkambua wetu Yakobe, atumbe lelu ne kashidi!

1 Kulondolola 29:13

Maweja-Nangila wetu, ke patudi tukutumbisha, tusamuna dina diebe dia butumbi.

2 Kulondolola 20:6

Kutendelelaye, wamba ne: — Maweja-Nangila, Mvidi Mukulu wa bankambua betu, wewe udi musombe mu diulu. Bisamba bionsu bidi ku bumfumu buebe! Wewe udi ne bukole buonsu, kabidi ne bumfumu. Nanku, kakuena muntu udi mua kutua nkanana kumpala kuebe.

Misambu 21:2

Mukalenga udi usanka, utua tshianga, bualu wewe Maweja-Nangila uvua umuambuluisha, yeye kutshimuna!

Misambu 21:4

Udi mumuele lupemba, mumuase nsala wa lumu.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Misambu 50:14

Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Nsumuinu 21:22

Muena meji udi mua kukuata tshimenga tshidi bilobu bilame. Udi mua kushimbula bimana biatshi bivua bena ditunga batekemena.

Nsumuinu 24:5

Meji a muntu ke bukole buende. Dimanya diende didi divudija bumfumu buende.

Nsumuinu 8:14

Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Muambi 9:16

Pa nanku, ndi njadika se: meji mmapite bukitu. Kadi bantu kabena bateleja mibelu ya muntu wa meji yeye muikale mupele. Badi bamupepeja.

Muambi 9:18

Meji mmapite bia mvita. Kadi muena buenzayi umue udi mua kunyanga bilenga bidi meji atupetesha.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Danyele 1:17

Mvidi Mukulu kupesha bansongalume banayi aba disunguluja dia malu ne dimanya diwle mu miakulu ne mu meji a bantu. Daniyele uvua ne lungenyi lua kujingulula malu adi Mvidi Mukulu uleja, kabidi ne bilota.

Danyele 2:18

Kubambilaye bua balombe luse kudi Mvidi Mukulu wa mu diulu, abamanyishe tshilota tshisokome atshi, bua kabavu kubashipa pamue ne bena meji bakuabu ba mu Babilone.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Yowanane 11:41

Bantu kumusha dibue. Yezu utangila mulu, kuamba ne: — Tatu, ndi nkuela tuasakidila, bualu uvua munteleje.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Didimanyisha 5:5

Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.