Danyele 2:2 - MUKANDA WA MYIDI MUKULU

² Mukalenga kubikidisha babuki ba mbuku, benji ba majimbu, bapaki ba manga ne bena bilengulengu, bua kumujinguluilabu tshilota tshiende. Kufikabu, kuimanabu kumpala kua mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

² Hashishe, mukelenge wakela dî bua kubikilabo batempi ba mbuku, bamanyi ba malu a mitoto, bena muhongo ne Bena Kasada, bua bobo bajinguluile mukelenge bilota biandi. Nunku bakabuela, bakimana ku mpala kua mukelenge.

Danyele 2:2 교차 참조

Genese 41:8

Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Estere 1:13

Mukalenga kuyukila ne bamanyi ba malu, bualu uvua ne tshibidilu tshia kuakaja malu a mu bukalenga pamue ne bamanyi ba meyi ne mikandu bia ditunga.

Ekesode 7:11

Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.

Danyele 1:4

Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Danyele 2:10

Bena bilengulengu kuandamuna mukalenga ne: — Kakuena muntu pa buloba apa udi mua kuenza tshiudi ujinga to. Kabidi kakuena mukalenga, nansha munene, nansha wa bukole bua bungi, ukadiku muebeje mubuki wa mbuku, nansha muena majimbu, anyi muena bilengulengu, bualu bua mushindu ewu.

Danyele 2:27

Daniyele kumuandamuna ne: — Mukalenga, bualu busokome buudi webeja, mbualu budi bena meji, bena bilengulengu, bamanyi ba malu a mitotu, bena majimbu, ne babuki ba mbuku, kabayi mua kujingulula.

Danyele 3:8

Tshitupa tshipi, bena Babilone bakuabu kufika, bua kusonguela bena Yuda.

Danyele 4:3

Meme kutuma diyi bua bena meji bonsu ba mu Babilone bafike kundi bua kunjanduila tshilota.

Danyele 4:6

Beltashare, mfumu wa babuki ba mbuku, ndi mumanye ne: udi ne mueyelu wa mvidie ya tshijila. Nanku kakuena bualu busokome budi mua kukukolela. Unjinguluile tshilota.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

1 Samuele 6:2

Pashishe bena ditunga adi kukonka batuangaji babu ne bena mbuku ne: — Mushete wa Maweja-Nangila, tuenze nawu tshinyi? Nutuleje mushindu utudi mua kuupingaja mu ditunga diawu.