Danyele 2:12 - MUKANDA WA MYIDI MUKULU

¹² Nanku mukalenga kufika munda bikole, kutuma diyi bua bashipe bena meji bonsu ba mu Babilone.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bua bualu ebu mukelenge wakafua tshiji, wakafika munda bikole, wakela mukenji wandi bua kubutulabo bena meji bonso ba mu Babulona.

Danyele 2:12 교차 참조

Yobe 5:2

Muntu mutatakane udi wasa Mvidi Mukulu tshilumbu, tshiotshi tshidi tshimushipa. Muntu mutshimbakane udi umvua lubabu munda, ufua nalu.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Nsumuinu 16:14

Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Nsumuinu 20:2

Mudibu batshina nyama wa ntambue udi ukungula, ke mudibu ne bua kutshina mukalenga udi mufike munda. Muntu udi ujula tshiji tshia mukalenga udi udikebela njiwu.

Nsumuinu 29:22

Muntu wa tshiji udi ujuula matandu. Udi ubinduluka lukasa lukasa udi uvudija bilema biende.

Danyele 2:24

Pashishe Daniyele kuya kua Ariyoke, uvua mukalenga mupeshe bukenji bua kushipa bena meji ba mu Babilone. Ufika, kumuambilaye diakamue ne: — Kushipeshi bena meji ba mu Babilone nansha! Umfile kudi mukalenga. Meme nemmujinguluile tshilota tshiende.

Danyele 2:5

Mukalenga kubambila ne: — Ndi mumane kupangadika ne: panudi nupanga kungambila tshindi mulote, kanuyi mua kutshinjinguluila, nebanukose bitupa bitupa. Nzubu yenu neyikudimuke dikolu.

Danyele 3:13

Nebukadnesare kufika munda bikole, kutumaye diyi bua bafike ne Shadrake, Meshake ne Abede-Nego. Kufikabu nabu kudi mukalenga.

Danyele 3:19

Mukalenga Nebukadnesare kumvua tshiji tshikole, kufikilaye Shadrake, Meshake ne Abede-Nego munda. Ke kutumaye diyi bua batemeshe kapia mu tshikutu kapite ka tshibidilu misangu muanda mutekete.

Danyele 5:19

Bantu ba matunga onsu, ba bisamba bionsu, ne ba miakulu yonsu, bavua bazakala kumpala kuende, bamutshina bua bunene buvua Mvidi Mukulu mumupeshe. Uvua ushipa bavuaye musue kushipa. Uvua ushiya ne muoyi bavuaye musue kushiya nawu. Uvua ubandisha anyi ufuisha bundu, bavuaye musue kubandisha anyi kufuisha bundu.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.