Danyele 12:6 - MUKANDA WA MYIDI MUKULU

⁶ Umue wabu kukonka muntu uvua muvuale bilamba bia buanda bua ndanda, muimane pa mutu pa mayi a musulu ne: ‘Malu aa a kukema neajike diba kaayi?’

Mukanda wa Nzambi Dihungila Dikulukulu ne Dihungila Dihia-dihia 2003

⁶ Umue wabo wakakanka muntu wakadi muluate bilulu bia lin, wakadi umueneka ku mutu kua mai a musulu, ne, Malu â a kukema neashike tshikondo kai?

Danyele 12:6 교차 참조

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Yezekiyele 9:2

Nanku meme kumona bantu balume basambombu bapatukila mu tshiibi tshia nzubu wa Mvidi Mukulu tshidi luseke lua ku mutu menemene. Muntu yonsu uvua ne tshiende tshia mvita mu bianza. Munkatshi muabu muvua muntu umue muvuale bilamba bia buanda bua ndanda. Muntu awu uvua mupayika ku mikaba kabuta kavua ne bintu bia kufunda nabi. Bonsu kusemena, kuimana pabuipi ne tshilambuilu tshienza ne tshiamu tshikunze.

Danyele 12:5

“Diba dimvua meme Daniyele ntangila bualu buvua Mvidi Mukulu undeja, bantu bakuabu babidi kumueneka bimane ku musulu, ewu dia muamua, mukuabu dia munemu.

Danyele 12:8

“Meme Daniyele, kumvua miaku ayi, kadi tshiyi nyijingulula. Ke pamvua nkonka ne: ‘Maweja-Nangila wanyi, malu aa neajike munyi?’

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Danyele 8:16

Meme kumvua diyi dia muntu difumina ku mukidi wa Ulayi, dimuambila ne: ‘Ngabriyele, umvuija muntu ewu bualu buvua Mvidi Mukulu mumuleje.’

Matayi 24:3

Yezu uvua musombe ku mukuna wa mitshi ya Olive. Ke balongi bende kusemena kudiye bobu nkayabu, bamukonka ne: — Utuambile: malu awu neenzeke diba kaayi? Nebimanye bishi ne: ukadi pa kufika, kabidi ne: ndekelu wa buloba ukadi ukumbana?

Marke 13:4

— Utuambile diba didi bia nanku mua kuenzeka, kabidi ne tshimanyinu tshidi mua kuleja tshikondu tshidi bionsu abi ne bua kuenzeka.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

Didimanyisha 15:6

Batumibue muanda mutekete bavua bakuate bipupu muanda mutekete mu bianza, kupatuka mu nzubu wa Mvidi Mukulu amu. Bavua bavuale bilamba bienza ne ndanda mutoke biengelela, basuike mikaba ya mpawungi pa tshiadi.

Didimanyisha 19:14

Biluilu bia mu diulu bivua bimulonda pa tubalu tutoke, bivuale bilamba bienza ne buanda buimpe bua ndanda mutoke, kabiyi katoba.

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”