Danyele 12:3 - MUKANDA WA MYIDI MUKULU

³ Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

Mukanda wa Nzambi Dihungila Dikulukulu ne Dihungila Dihia-dihia 2003

³ Badi ne meji nebakenke bu bintu bia mu diulu, ne badi balombola bantu ba bungi ku buakane nebakenke bu mitoto kashidi ne kashidi.

Danyele 12:3 교차 참조

Ekesode 34:35

Kadi pavua bena Izrayele balengame batangile mpala wa Moshe bu muvuaye ukenka, Moshe uvua ubuikila tshilamba pa mpala too ne papinganaye kabidi kudi Mvidi Mukulu.

Nsumuinu 11:30

Bidi muntu udi utshina Mvidi Mukulu wenza, bidi bipetesha muoyi. Muntu wa meji udi usankisha bakuabu.

Nsumuinu 3:35

Bena meji nebapete diakalenga, batshimbakane nebikale ne bundu.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Muambi 12:9

Muambi uvua ulongesha bantu bivuaye mumanye, kayi upungila. Uvua mufunde nsumuinu ya bungi yeye mumane kujadika bulenga buayi.

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yirmeya 23:22

Bu bobu babuele mu tshipangu tshianyi, bavua mua kuambila bantu banyi malu onsu amvua muambe. Nanku bavua mua kuambuluisha bantu bua badilengeje.

Danyele 11:33

Munkatshi mua bantu aba badi ne meji mapite, nebalongeshe bantu bakuabu ba bungi. Kadi matuku makese nebashipe bamue ba munkatshi muabu, neboshe bakuabu, nebeele bakuabu mu lukanu, bamane kubanyenga bintu biabu.

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Matayi 13:43

Kadi bonsu badi bitaba Mvidi Mukulu, nebakenke bu diba mu Bukalenga bua Tatuabu. Badi ne matshi a kumvua nawu, basangana kumvua anyiee? Bumvuee!

Matayi 19:28

Yezu kubambila ne: — Ndi nnujadikila bulelela ne: pasomba Muana wa muntu mu nkuasa wende wa lumu mu buloba bupiabupia, nuenu bavua bandonde, nenusombe penu mu nkuasa dikumi ne ibidi, bua kulumbuluisha bisamba dikumi ne bibidi bia bena Izrayele.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Yowanane 4:36

Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Yowanane 5:35

Yowanane uvua bu muendu mutemesha ukenka. Nuenu kuanyisha bua kusanka tshitupa tshipi ku bukenke buawu.

Bienzedi 13:1

Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

1 Korente 3:10

Bilondeshile dipa dimvua mupete patupu kudi Mvidi Mukulu, mvua mulongolole bia kuasa nabi nzubu, meme kuibaka kabidi tshitaku. Mpindiewu mukuabu udi ubandisha bimana. Kadi muntu yonsu amanye mushindu udiye ne bua kuibaka.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Ebrewu 5:12

Matuku a bungi mmamane kupita, nukavua mua kuikala balongeshi. Kadi nutshidi nukengela banulongeshe malu a kumpala a miaku ya Mvidi Mukulu. Pa mutu pa kudia biakudia bikole, nutshidi nukengela kunua mabele.

2 Petro 3:15

Nuvuluke ne: padi Mfumu munulamine lutuulu, mmusue bua nupete mushindu wa kupanda. Ke bivua muanetu musuibue Polu munufundile ne meji mavule avua Mvidi Mukulu mumupe.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.