Danyele 12:10 - MUKANDA WA MYIDI MUKULU

¹⁰ Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ba bungi nebadilengeshe, nebaditokeshe, nebavuishibue balengele; kadi bantu babi nebananukile kuenza malu mabi; kakuena umue wa mu bantu babi wajingulula malu, kadi bantu badi ne meji nebâjinguile.

Danyele 12:10 교차 참조

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Nsumuinu 1:5

Nansha bena meji batshidi amu mua kulonga malu makuabu padibu babala nsumuinu eyi. Badi ne lungenyi nebapetelemu njila wa kulonda.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 47:11

Kadi mayi aa kaena alengeja bisense ne majiba bidi ku muelelu wa Mayi manene aa, bua bantu bamone mua kupetamu luepu.

Danyele 11:33

Munkatshi mua bantu aba badi ne meji mapite, nebalongeshe bantu bakuabu ba bungi. Kadi matuku makese nebashipe bamue ba munkatshi muabu, neboshe bakuabu, nebeele bakuabu mu lukanu, bamane kubanyenga bintu biabu.

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Marke 4:11

Ke Yezu kubandamuna ne: — Nuenu, Mvidi Mukulu mmunumanyishe malu masokome a Bukalenga buende. Kadi bantu bakuabu badi bumvua malu onsu aa bu badi babambilawu mu nsumuinu,

Luke 24:25

Nanku Yezu kubambila ne: — Nudi bantu badi kabayi mua kujingulula malu! Bidi binukolela bua kuitaba lukasa bionsu bitua bambi banumanyisha!

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Yowanane 8:47

Muntu wa Mvidi Mukulu udi uteleja miaku ya Mvidi Mukulu. Kadi nuenu kanuena ba Mvidi Mukulu to. Ke panudi kanuyi nunteleja.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 12:10

Batatuetu ba pa buloba bavua batunyoka bua tshitupa tshipi, muvuabu bamone ne ke bidi bimpe. Kadi Mvidi Mukulu udi utunyoka bua kutuenzela bimpe, bua tuikale ba tshijila bu Yeye.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 16:11

Bavua basendeka Mvidi Mukulu wa mu diulu bua makenga abu, ne bua mputa yabu. Kadi kabavua balekela malu abu mabi.

Didimanyisha 19:14

Biluilu bia mu diulu bivua bimulonda pa tubalu tutoke, bivuale bilamba bienza ne buanda buimpe bua ndanda mutoke, kabiyi katoba.

Didimanyisha 19:8

Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Didimanyisha 22:11

Udi wenza malu mabi, atungunuke amu nawu. Udi musue kupia mikiya, apie amu mikiya. Kadi udi wenza malu mimpe, atungunuke amu nawu. Udi wa tshijila, ashale amu wa tshijila.

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

1 Samuele 24:13

Maweja-Nangila nkayende akose tshilumbu tshidi pankatshi petu nebe. Amu yeye akunyoke bua malu mabi audi mungenzele. Kadi, meme tshiena mua kukusombuela to.