Danyele 11:21 - MUKANDA WA MYIDI MUKULU

²¹ “Muntu udi bantu bapetula neamupingane mu nkuasa, kadi kabena bamupesha muanzu wa bukalenga. Muntu ewu neafike tshikondu tshidi bantu basomba talalaa, bua kunyenga bukalenga mu musokoku.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Muntu udi bakuabo bahetula neahingane mu muaba wandi, wakadibo kabayi banze kunemeka bu mukelenge; yeye neamueneke mu tshikondo tshidi bantu basombe talalâ, neahete bukelenge ku mei andi a lubombo.

Danyele 11:21 교차 참조

Misambu 12:8

Maweja-Nangila, wewe ke udi ukumbaja biudi ulaya. Bantu badi bakubenga badi bendakana miaba yonsu, bubi budi buvulangana mu bantu. Kadi utuepule bua katubuelakanyi ne bantu babi aba.

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

Misambu 55:21

Mulunda mubi udi uluisha balunda bende, upula ndondu uvuaye mutue nabu.

Yeshaya 32:5

Muntu mupote kabakumuangata kabidi ne mushinga to. Muntu wa tshidingidingi kabakumuteka kabidi mulongu wa bantu ba nsongu.

Danyele 11:20

Mupinganyi wende neatume muntu bua kupawula nzubu wa lumu lunene wa mu bukalenga. Kunyima kua matuku makese nebumushe mukalenga ewu ku bumfumu, bantu kabayi bamanye, kakuyi nansha mvita.

Danyele 11:32

Mukalenga ewu nkayende, ne miaku yende ya lubombu, neafikishe bantu ku dishipa dia ndondu. Kadi bantu bonsu badi bitaba Mvidi Mukulu ne muoyi umue, nebashindame mu malu adibu benza.

Danyele 11:34

Matuku a tshinyangu aa, bantu bakese nebabambuluishe, bualu bantu ba bungi nebabalamate, bikale ne mpala ibidi.

Danyele 11:7

Muntu umue wa mu diku diende neapingane mu bukalenga bua tatuende. Neaye kuluisha bena mvita ba mukalenga wa ditunga dia ku mutu mu tshimenga tshiende tshikolesha ne bimana. Neabatshimune.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.

Danyele 8:23

Padi makalenga aa ashikila, benji ba malu mabi bamane kuvudija malu abu mabi, mukalenga wa budisu ne dishima neamueneke.

Danyele 8:25

Udi ne budimu bua bungi. Neashime ne bantu bakuabu. Bua diditambisha diende, neabutule bantu ba bungi badi bela meji ne: tudi tusomba talalaa. Neatombokele mukalenga wa bakalenga. Ke diba didibu bamutshibula, kakuyi muntu udi wenza bualu.

Danyele 8:9

“Ku lumue lupite bukese lua ku nsengu ayi, kupatukaku lusengu lupialupia. Kudiundalu ne bukole bupite, lutangila kuinshi, luseke ludi diba dipatukila, ne luseke lua ditunga dipite buimpe.

Nahume 1:14

Nuenu bena mu tshimenga tshia Ninive, Maweja-Nangila udi ujadika ne: “Kanuakuikala ne ndelanganyi idi mua kunuinyika mena. Nembutule mpingu ya mitshi nansha ya biamu, idi mu nzubu ya nwidie yenu. Nennumbuile nkita, bualu kanuena ne mushinga ku mesu anyi.”

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.