Danyele 11:15 - MUKANDA WA MYIDI MUKULU

¹⁵ Mukalenga wa ditunga dia ku mutu neafike. Neimanyike mishiki ya buloba ku tshimana tshia tshimenga. Neakuate tshimenga tshivuabu bakoleshe ne bimana. Mukalenga wa ditunga dia kuinshi, nansha mudiye ne bena mvita ba kalanda musenga, kakunutuila nkanana nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hashishe, mukelenge wa ku nôde neafikeku, ne unguishe mishiki ya buloba, neanyenge musoko udi muasa ne ngumbu ya nvita. Bena nvita ba ku luseke lua sude ne bena nvita basungula bua bukitu buabo kabena bamanye mua kumutantamena.

Danyele 11:15 교차 참조

Yezekiyele 17:17

Nansha yeye muikale ne bena mvita ba bungi ba bukitu, mukalenga wa bena Ejipitu kena mua kumuambuluisha bua kuluisha bena Babilone badi bela mishiki ya buloba, bumbula mikidi bua bamone mua kukuata tshimenga, kushipa bantu ba bungi.

Yirmeya 6:6

Maweja-Nangila Mvidi Mukulu wa bukole buonsu, kutumina baluishi betu diyi, wamba ne: “Tapayi mitshi. Imanyikayi mushiki wa buloba bua kuluisha Yerushalayime.” Mbimpe kunyoka tshimenga etshi, bualu benatshi badi bakengeshangana bikole.

Yezekiyele 4:2

Pashishe, uleje mudibu batshiluisha. Wimbe mukidi, wele mushiki wa buloba, wele mualu wa mvita, unyungulule tshimenga ne matempu a mvita.

Danyele 11:6

Papita bidimu bikese, bakalenga babidi aba nebatue ndondu. Mukalenga wa ditunga dia ku mutu neasele muana wa bakaji wa mukalenga wa ditunga dia kuinshi, bua kupingaja diumvuangana munkatshi muabu. Kadi muana wa bakaji ewu kakulama bukalenga buende nansha. Bayende kakushala ne muoyi. Nansha muana udibu balela neafue. Muana wa bakaji mene neafue diakamue, ne bende bonsu, kabidi ne tatuende ne bayende.

Danyele 8:7

Meme kumumona ufika kudi tshimpanga, utshikuma ne tshiji tshikole, utshibula nsengu yatshi ibidi. Kubungulujaye tshimpanga panshi, katshiyi ne bukole bua kumutuila nkanana. Kutshidiatakajaye ku mikonu, kakuyi muntu uvua mua kutshipandisha.

Yirmeya 52:4

Nanku Nebukadnesare kufika mu Yerushalayime ne tshiluilu tshiende. Bena mvita bende kuasa mitanda yabu mitangilangane ne tshimenga. Kuelabu tshimenga munkatshi basokome mu biina. Bivua bienzeke tshidimu tshia tshitema tshia bukalenga bua Sedekiya, dituku dia dikumi dia ngondu wa dikumi.

Yirmeya 33:4

Meme Maweja-Nangila, Mvidi Mukulu wa Izrayele, ndi ne bualu bua kuamba, budi butangila nzubu idi mu tshimenga etshi, ne nzubu ya bakalenga ba bena Yuda. Nebayibutule. Kanuena mua kuluisha bena Babilone badi bakeba mua kukuata tshimenga to. Nuenu babaluishe, ndi nguwuje tshimenga tente ne bitalu bia bantu bandi nshipa, bua tshiji tshianyi tshikole tshindi natshi. Bena mu Yerushalayime bavua benza malu mabi a bungi. Ke mundi tshiyi kabidi bualu ne tshimenga etshi.

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Danyele 11:14

Mu tshikondu atshi, bantu ba bungi nebajuke bua kuluangana ne mukalenga wa ditunga dia kuinshi. Nanku bena tshinyangu ba mu tshisamba tshiebe wewe Daniyele, nebajuke. Nebatombokele mukalenga ewu, bua kukumbaja bivua Mvidi Mukulu muleje. Kadi kabakumutshimuna to.