Danyele 10:8 - MUKANDA WA MYIDI MUKULU

⁸ Meme kushala nkayanyi, ntangila bualu abu bua dikema, buvua Mvidi Mukulu undeja. Kadi meme kupanga bukole diba adi. Mpala wanyi kukudimuka, kutokoloka. Meme kujimija bukole buanyi buonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakanshiya nkayanyi, nakamona tshikena kumona etshi tshinene, tshiakadi ne bukole munda muanyi; bualu bua bulengele bua mpala wanyi buakandamuka ne buakanyanguka, bukole buanyi buakajimina.

Danyele 10:8 교차 참조

Genese 32:31

Yakobe kuamba ne: — Ndi nginyika muaba ewu dina ne: Penuyele, mpala wa Mvidi Mukulu, bualu ndi mumonangane ne Mvidi Mukulu mpala ne mpala, meme kushala ne muoyi.

Ekesode 3:3

Umona nanku, kuambaye ne: “Ndi musue kubenda kusemena pabuipi bua kujadika bualu ebu bua dikema: kadilu katema, tshipuka katshiyi tshipia tshibutuka!”

Danyele 10:16

Kadi tshia muoyi tshikuabu, tshifuanangane ne muntu, kundenga ku mishiku. Ke meme kubulula mukana, kuakula tshiakabidi. Meme kuambila muntu uvua muimane kumpala kuanyi ne: ‘Mfumu wanyi, bua bualu ebu budi Mvidi Mukulu mundeje, dibungama ndinkuate. Tshiena ne bukole nansha.

Danyele 10:17

Meme muntu wa tshianana, ndi mua kuyukila ne mfumu wanyi bishi, pandi tshiyi nansha ne bukole, tshiyi ne mueyelu mene.’

Danyele 7:28

“Apa ke ndekelu wa bualu ebu. “Meme Daniyele, mvua mukuatshike bowa bua bungi. Mpala wanyi kutokoloka. Meme kutuluka bualu ebu diba dionsu mu muoyi wanyi.”

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Danyele 8:7

Meme kumumona ufika kudi tshimpanga, utshikuma ne tshiji tshikole, utshibula nsengu yatshi ibidi. Kubungulujaye tshimpanga panshi, katshiyi ne bukole bua kumutuila nkanana. Kutshidiatakajaye ku mikonu, kakuyi muntu uvua mua kutshipandisha.

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Matayi 17:6

Balongi bumvue nanku, kudielabu mpala panshi. Bowa kubakuata bikole.

Marke 9:6

Kavua ne tshivuaye wamba mene to, bualu balongi bakuabu ne yeye bavua ne bowa buvule.

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.