Danyele 10:16 - MUKANDA WA MYIDI MUKULU

¹⁶ Kadi tshia muoyi tshikuabu, tshifuanangane ne muntu, kundenga ku mishiku. Ke meme kubulula mukana, kuakula tshiakabidi. Meme kuambila muntu uvua muimane kumpala kuanyi ne: ‘Mfumu wanyi, bua bualu ebu budi Mvidi Mukulu mundeje, dibungama ndinkuate. Tshiena ne bukole nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mona! Mukuabo wakadi ne tshinfuanyi tshia muana wa muntu wakalenga ku mishiku yanyi; nakabulula mukana muanyi, nakayikila ne wakadi wimana ku mpala kuanyi, nakamuambila ne, Mukelenge wanyi, bua tshikena kumona etshi kanyinganyinga kakunkuata, tshiena kabidi ne bukole.

Danyele 10:16 교차 참조

Ekesode 4:10

Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

Ekesode 4:13

Moshe kubenga, wamba ne: — Ndi nkusengelela ne: utume muntu mukuabu.

Muambi 1:18

Muntu udi ne meji a bungi, udi upeta kabidi ntatu mipite. Muntu udi wenda ulonga malu, makenga ende adi enda avulangana.

Yeshaya 6:7

Kudintuaye ku mishiku, wamba ne: “Tshibawu tshiebe tshiakujika, bubi buebe buakujimina, bualu kapia kakulenga ku mishiku yebe.”

Yirmeya 1:9

Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Yezekiyele 1:26

Pavua kabidi dibue dia mushinga mukole dia Safire, divuabu basonge bu nkuasa wa bukalenga. Pa mutu pa nkuasa wa bukalenga apu, pavua pamueneka bu muntu.

Yezekiyele 3:27

Kadi, pandi musue kukuambila bualu bua kumanyisha bantu, nenganyishe bua wewe kuakula tshiakabidi. Nanku neubamanyishe ne: “Telejayi bidi Maweja-Nangila Mvidi Mukulu wamba.” Bamue bantu nebateleje, banga nebabenge mua kuteleja, bualu mbantu ba tshitunu.

Yezekiyele 33:22

Dilolu muntu awu kayi muanji kufika, Maweja-Nangila uvua mundeje bukole buende, tshiyi mua kuakula kabidi to. Kadi pavua muntu, uvua munyeme, mufike kundi mu dinda, tshivua kabidi kamama to. Nkavua ngakula.

Danyele 12:8

“Meme Daniyele, kumvua miaku ayi, kadi tshiyi nyijingulula. Ke pamvua nkonka ne: ‘Maweja-Nangila wanyi, malu aa neajike munyi?’

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Danyele 7:15

“Meme Daniyele, bowa kunkuata. Muoyi wanyi kulubakana munda, bualu malu avua Mvidi Mukulu undeja avua ankuatshisha bowa.

Danyele 7:28

“Apa ke ndekelu wa bualu ebu. “Meme Daniyele, mvua mukuatshike bowa bua bungi. Mpala wanyi kutokoloka. Meme kutuluka bualu ebu diba dionsu mu muoyi wanyi.”

Danyele 8:15

“Meme Daniyele, pamvua ntangila bualu ebu buvua Mvidi Mukulu undeja, pamvua nkeba mua kubujingulula, meme kumona tshintu tshifuane muntu, tshimane kumpala kuanyi.

Danyele 8:17

Ngabriyele kusemena pabuipi nanyi. Pakafikaye, bowa bukole kunkuata. Meme kutua mpala panshi. Kadi kungambilaye ne: ‘Daniyele, udi anu muntu, umanye ne: Mvidi Mukulu udi mukuleje malu a ku nshikidilu wa bidimu.’

Danyele 8:18

Patshivuaye wakula nanyi, mvua amu mpala panshi, mufue tshipuka. Yeye kundenga, kungimanyika kulu.

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Luke 1:64

Bu mpindiewu Zekarya kutuadija kuakula tshiakabidi, utumbisha Mvidi Mukulu ne diyi dikole.

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Yoshua 5:14

Muntu awu kuandamuna ne: — Ntshidi mfika amu mpindiewu. Tshiena wa ku luseke luenu, nansha wa ku lua baluishi benu to. Ndi mfumu wa tshikulu tshia Maweja-Nangila. Nanku Yoshuwa kudiela mpala panshi, umuambila ne: — Meme ndi muena mudimu webe. Tshiudi untumina diyi bua meme kuenza ntshinyi?

Didimanyisha 1:13

Munkatshi muabi muvua tshintu bu muntu, muvuale muntumpu mutue ne ku makasa, musuike mukaba wa mpawungi pa tshiadi.

Balombodi 13:8

Manowa kulomba Maweja-Nangila, wamba ne: — Maweja-Nangila, ndi nkusengelela, ututumine kabidi muntu wa Mvidi Mukulu uuvua mumane kututumina, bua atulongeshe mushindu utudi mua kukolesha muana waledibua awu.

Balombodi 6:13

Ngideyone kuandamuna ne: — Mukalenga wanyi, umfuile luse! Maweja-Nangila wikala netu, mutudi tupeta makenga onsu aa mbishi? Bishima bionsu bivua baledi betu batuambila bidi penyi? Bivua batulondela ne: Maweja-Nangila uvua mubapatule mu Ejipitu. Maweja-Nangila mmumane kutulekela bulelela. Mmumane kutufila mu bianza bia bena Madiyane.

Balombodi 6:15

Ngideyone kuandamuna ne: — Maweja-Nangila, ndi nkusengelela ne: meme ndi mua kusungidila bena Izrayele mushindu kaayi? Ku meku onsu a mu tshisamba tshietu tshia Menashe, diku dianyi ndia bantu badi kabayi ne bukole nansha bukese. Kabidi meme ndi muana wa mukala mu nzubu muetu.