Danyele 10:14 - MUKANDA WA MYIDI MUKULU

¹⁴ Mpindiewu ndi mufike bua kukujinguluila malu adi ne bua kukuata bena tshisamba tshiebe mu matuku adi kumpala. Ke bualu bukuabu butshidi Mvidi Mukulu ukuleja bua matuku adi kumpala.’

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mpindiu nakulua bua kukujinguluila malu adi akuata bana benu mu matuku alualua; bualu bua tshikena kumona etshi tshidi tshikulesha malu a mu matuku adi kayi manji kulua.

Danyele 10:14 교차 참조

Genese 49:1

Yakobe kubikila bana bende bonsu, ubambila ne: — Semenayi pabuipi, unumanyishe malu adi mua kunuenzekela matuku adi kumpala aa.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Yezekiyele 12:27

— Yezekiyele, bena Izrayele badi bamba ne: “Malu adi Mvidi Mukulu uleja kaena akumbana mpindiewu to.” Badi bamba kabidi ne: “Biudi wakula mu dina dia Maweja-Nangila nebikumbane amu mu tshikondu tshikuabu tshitshidi kule.”

Yezekiyele 38:16

Neufike bua kuluisha bantu banyi bena Izrayele. Neubuikile ditunga diabu bu mudi divuba dibuikila buloba. Nebienzeke kunyima kua matuku a bungi. Nenkutume wewe Ngoge bua kuluisha bena mu ditunga dianyi, bua bantu ba mu matunga a bende bamanye ne: ndi Mvidi Mukulu wa tshijila. Nembaleje malu onsu aa bualu wewe newikale muntu wanyi.

Danyele 10:1

Mu tshidimu tshisatu tshia bukalenga bua Koreshe, mukalenga wa bakalenga wa bena Persa, Mvidi Mukulu kumanyisha Daniyele, muabu binyika kabidi ne Beltashare, bualu. Bualu ebu buvuabu kabayi mua kuela mpata, buvua bumanyisha Daniyele makenga a bungi. Daniyele kuelangana meji bikole ku bualu ebu. Kujingululaye bualu buvua Mvidi Mukulu musue kumuleja.

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 12:9

Kungandamunaye ne: ‘Daniyele, kupampakanyi nansha. Ulame miaku eyi bimpe too ne diba dia nshikidilu.

Danyele 2:28

Kadi mu diulu mudi Mvidi Mukulu, udi umanyisha bantu malu masokome. Yeye ke udi mukumanyishe wewe mukalenga Nebukadnesare malu adi ne bua kuenzeka matuku atshidi kumpala. Kadi tshiuvua mulote ntshietshi.

Danyele 8:16

Meme kumvua diyi dia muntu difumina ku mukidi wa Ulayi, dimuambila ne: ‘Ngabriyele, umvuija muntu ewu bualu buvua Mvidi Mukulu mumuleje.’

Danyele 8:26

Edi ke diumvuija dilelela dia tshiuvua mumone bua milambu ya kuosha dilolu ne dinda. Kadi ulame munda muebe bualu budi Mvidi Mukulu mukuleje ebu, bualu budi buleja malu a matuku atshidi kule.’

Danyele 9:22

Kungambilaye ne: ‘Daniyele, ndi mufike mpindiewu bua kutokesha lungenyi luebe.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Mika 4:1

Dituku nedifike, didi mukuna, muaba udibu base nzubu wa Mvidi Mukulu, upita mikuna mikuabu yonsu. Nebaushindike bikole. Bisamba bia bantu nebipuilemu bia bungi.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Dibadika 24:14

Nanku, mpindiewu ndi mpingana kuetu. Kadi semena apa, nkumanyishe muakengeshabu bana benu kudi bena Izrayele matuku adi kumpala!

Dielulula 31:21

Bena Izrayele nebapete ntatu ne makenga makole. Kadi meyi a musambu ewu neanusonguele. Bualu ndelanganyi yonsu ya bena Izrayele neikale imba anu musambu ewu. Meme ndi mumanye meji adi bena Izrayele nawu mpindiewu, tshiyi muanji kubafikisha mu ditunga dimvua mubalaye.

Dielulula 31:29

Ndi mumanye ne: pambafua, bena Izrayele nebenze bibi, nebabenge bionsu bimvua mubambile. Nanku nebikale bena diakabi, bualu bavua benza muabu muonsu bua kutombokela Maweja-Nangila, kumufikisha munda.

Dielulula 4:30

Pikala malu onsu andi mmuambile manuenzekele, nuenu babuele mu dikenga, nenupingane kudi Maweja-Nangila Mvidi Mukulu wenu, bua kumutumikila.

2 Timote 3:1

Uvuluke bimpe ne: mu matuku a nshikidilu nemuikale dikenga dikole.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.