Danyele 1:5 - MUKANDA WA MYIDI MUKULU

⁵ Mukalenga kutuma diyi bua babapeshe dituku dionsu, biakudia ne maluvu bia momumue ne biende bivuaye udia, unua, ne bua babalongeshe bidimu bisatu. Pakumbana matuku awu nebatuadije kumuenzela mudimu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mukelenge wakabatekela tshituha tshia bia kudia biandi bishema bia buatshia-buatshia ne tshia nvinyo wakadiye unua, bua bobo bakoleshibue nunku bidimu bisatu; bua ku ndekelu kua bidimu ebi bamanye mua kuimana ku mpala kua mukelenge.

Danyele 1:5 교차 참조

Genese 41:46

Pa wabu bamufite kua mukalenga wa bena Ejipitu apu, Yozefe uvua ne bidimu makumi asatu. Ke Yozefe kulayangana ne mukalenga wa bena Ejipitu, kutuadija kuendakana, utangila midimu mu ditunga dijima dia Ejipitu.

1 Bakalenga 10:8

Bena mudimu bebe ne bantu badi mu nzubu webe wa bukalenga mbena diakalenga! Bualu udi nabu matuku onsu. Badi bumvue meji ebe ne lungenyi luudi nalu.

2 Bakalenga 25:30

Dituku dionsu too ne mudi Yowakine ufua, mukalenga wa bena Babilone uvua anu umupesha biakudia bikumbane.

2 Kulondolola 9:7

Bena mudimu bebe, ne bantu badi mu nzubu webe wa bukalenga, mbena diakalenga! Bualu badi nebe matuku onsu. Badi bumvua miaku yebe ya meji ne ya lungenyi.

Nsumuinu 23:3

Biakudia biende bisheme kabikusaminyi muoyi. Bumue badi mua kukupeshabi ne lungenyi lubi.

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Danyele 1:19

Mukalenga kuyukila nabu bonsu. Munkatshi muabu kavua musangane muntu ne lungenyi bu muvua Daniyele, Ananiya, Mikayele ne Azariya nalu. Ke kubuelabu ku mudimu kua mukalenga.

Danyele 1:8

Bu muvua Daniyele ubenga kupia mikiya, kudikandikaye bua kudia ne bua kunua bivua mukalenga udia ne unua. Nanku Daniyele kuambila mulombodi wa bena mudimu bua kamupeshi biakudia bidi ne mikiya nansha.

Matayi 6:11

Utupe tshiakudia tshietu ku dituku ku dituku.

Luke 1:19

Ke mutumibue kumuandamuna ne: — Meme ndi Ngabriyele. Ndi ngimana kumpala kua Mvidi Mukulu bua kumuenzela mudimu. Yeye mmuntume bua kuyukidilangana nebe, ne kukumanyisha Lumu elu lua Disanka.

Luke 11:3

Utupe ku dituku ku dituku tshiakudia tshitudi tukengela.

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

1 Samuele 16:22

Ke Shawule kutumina Ishayi diyi ne: “Ndi musue bua Davide ashale anu ku mudimu wanyi, bualu ndi mumuanyishe bikole.”