Bienzedi 8:5 - MUKANDA WA MYIDI MUKULU

⁵ Filipe kuya mu tshimenga tshikulu tshia Samariya, wenda ulongesha bena mu tshimenga ne: Kristu wafiki!

Mukanda wa Nzambi Dihungila Dikulukulu ne Dihungila Dihia-dihia 2003

⁵ Filipo wakahueka ku musoko wa Samalea, wakabanga kubambila bua Kilisto.

Bienzedi 8:5 교차 참조

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 21:8

Butshia tuetu kutungunuka ne luendu, kuyila njila wa ku makasa, kufika mu Kezareya. Tuetu kuya kua Filipe, mulongeshi wa Lumu lua Disanka, kulala kuende. Filipe uvua wa ku bantu muanda mutekete, bavuabu basunguile ku Yerushalayime, bua kuambuluisha bapostolu.

Bienzedi 5:42

Ku dituku ku dituku, bavua amu balongesha, bamanyisha bantu Lumu lua Disanka lua Yezu Kristu, mu nzubu wa Mvidi Mukulu ne ku nzubu ya bantu.

Bienzedi 6:5

Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Bienzedi 8:1

Shawule uvua muanyishe pende lufu lua Stefane alu. Dituku mene adi, kutuadijabu kukengesha bikole Tshisumbu tshia bena ditaba tshivua mu Yerushalayime. Bena ditaba bonsu kutangalaka. Kuyabu mu buloba bua Yudeya ne bua Samariya. Bapostolu kudishadila.

Bienzedi 8:26

Mutumibue wa Mvidi Mukulu kuambila Filipe ne: — Pueka kuinshi mu ditunga, ulonde njila wa kale wa mu tshipela, wa kumuka ku Yerushalayime, kufika ne ku Ngaza.

Bienzedi 8:30

Filipe kusemena, wenda unyema. Kulu vuaye muena Kushe ubala mukanda wa muambi Yeshaya. Filipe kumukonka ne: — Udi mujingulule biudi ubala abi anyi?

Bienzedi 8:40

Filipe kudimona ne: nkadi mu Azote. Kutungunukaye ne luendu too ne ku tshimenga tshia Kezareya. Mu njila uvua wenda ulongesha Lumu lua Disanka mu bimenga bionsu.

Bienzedi 8:6

Bantu bavule bavua bateleja ne ntema malongesha a Filipe, bualu bavua bumvua lumu lua bishima bivuaye wenza, babimona kabidi ne abu abidi.

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

1 Korente 1:23

Kadi tuetu tudi tukobola Kristu uvuabu bapopele pa mutshi mutshiamakane. Bena Yuda badi bakamba ne: nudi nusendeka Mvidi Mukulu. Badi kabayi bena Yuda badi bakamba ne: nudi nulongesha malu a bupale.

1 Korente 2:2

Bualu pamvua nenu, tshivua musue kunumanyisha bunga bualu, amu Yezu Kristu, nangananga Yezu Kristu uvuabu bapopele pa mutshi mutshiamakane.

1 Korente 3:11

Bualu mbamane kuibaka tshitaku, ke Yezu Kristu. Kabena mua kutshijula, kupingaja tshikuabu.