Bienzedi 8:3 - MUKANDA WA MYIDI MUKULU

³ Shawule uvua wenza muende muonsu bua kubutula Tshisumbu tshia bena ditaba. Uvua upita ku nzubu ku nzubu, ukuata balume, ukuata bakaji, ubela mu lukanu.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi Shaula wakabutula bena ekelesia, wakabuela mu nsubu yonso, wakakoka balume ne bakashi, wakababuesha mu nsubu wa lukanu.

Bienzedi 8:3 교차 참조

Bienzedi 16:19

Kadi bamfumu ba mukaji awu bavua bamona ne: katuakupetela kabidi makuta kudi mukaji awu. Nanku kukuatabu Polu ne Silase, benda babapulumuna kumpala kua bamfumu ba tshimenga, muaba uvua bantu basangile.

Bienzedi 22:19

Ke meme kuandamuna ne: “Mfumu, kadi badi amu bamanye mumvua mbuela kale mu nzubu ya kutendelela, mbelesha mu nkanu, nkumisha bantu bavua bakuitaba.

Bienzedi 7:58

Kumukokelabu ku mpenga kua tshimenga. Kumuasabu mabue bua kumushipa. Bajadiki ba bualu ebu, bavua badianjila kumuasa mabue, bavua bashiye bilamba biabu kudi nsongalume, diende Shawule.

Bienzedi 8:2

Bantu balamatshi ba Mvidi Mukulu kujika Stefane. Kudilabu bikole bua lufu luende.

Bienzedi 9:21

Bonsu bavua bamuteleja bavua bakema, bamba ne: — Uvua ukengesha bikole bantu bavua bitaba dina dia Yezu mu Yerushalayime, ki mmuntu ewu anyi? Ki mmufike apa bua kukuata bantu, kubafila kudi bamfumu ba batuangaji anyi?

1 Korente 15:9

Bulelela, ndi mushadile kudi bapostolu bonsu, tshiena nansha mukumbane bua bambikile mupostolu, bualu mvua mukengeshe Tshisumbu tshia bena ditaba.

Ngalate 1:13

Nudi bamanye mumvua musuminyine kale malu a Mvidi Mukulu adi bena Yuda balongesha, nkengesha ne tshikisu Tshisumbu tshia bena ditaba ba Mvidi Mukulu, nkeba kutshibutula.

Filipe 3:6

Mvua ne disuminyina dipite, nkengesha Tshisumbu tshia bena ditaba. Padibu batangila muntu udi ulama mikenji bu muntu muimpe, kakuvua muntu uvua mua kundiwula.

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

Yakobe 2:6

Kadi nuenu nudi nupetula bapele! Badi banukengesha, banufila miaba idibu balambuluisha bantu, ki mbena biuma anyi?