Bienzedi 6:7 - MUKANDA WA MYIDI MUKULU

⁷ Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Di dia Nzambi diakadiundadiunda, bayidi bakadi bavulangana ba bungi mu Yelushalema; bakuidi ba bungi bakadi bitabusha lumu luimpe.

Bienzedi 6:7 교차 참조

2 Kulondolola 29:34

Batuangaji bavua muaba awu kabavua bungi bukumbane, bua kusaya nyama yonsu ya milambu ya kuosha to. Nanku, bana babu bena Levi kubambuluisha bua kusaya nyama ayi, bindila batuangaji bakuabu batshi wa bajikija mudimu wa kumusha mikiya ivuabu nayi. Bualu bena Levi bavua bumushe mikiya lukasa, bapite batuangaji ku disuminyina.

2 Kulondolola 30:24

bualu mukalenga Izkiya uvua mupeshe bantu ngombe milume tshinunu, ne mikoku binunu muanda mutekete. Bakulu ba mu bukalenga bavua bafila kabidi ngombe milume tshinunu, ne mikoku binunu dikumi. Kabidi batuangaji bavua bamane kumusha mikiya, bavua ba bungi.

Misambu 132:16

Nempeteshe batuangaji lupandu mu Siyone, badi bitaba nebele mbila ya disanka.

Misambu 132:9

Batuangaji bebe bavuale buakane, bu mudibu bavuale bilamba biabu; bantu badi bakuitaba bele mbila ya disanka!

Matayi 19:30

Kadi ba bungi badi mpindiewu ba kumpala, nebikale ba ndekelu. Ba bungi badi mpindiewu ba ndekelu, nebikale ba kumpala.

Luke 2:34

Shimeyone kubela lupemba, kuambila Mariya, mamuende wa Yezu ne: — Mvidi Mukulu udi musungule muana ewu bua kushindisha ne kujula bantu ba bungi mu Izrayele. Yeye neatumanyishe mudi Mvidi Mukulu. Kadi bantu nebamujudile milandu.

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Bienzedi 12:24

Kadi bantu bavua bitabe muaku wa Mvidi Mukulu kuvulanganabu bikole.

Bienzedi 13:8

Kadi Elimase (ke mudibu bandamuna dina diende mu tshiena ngreke nanku), muena dialu awu, uvua uluisha Barnabase ne Polu, ukeba bua mulombodi kafiki ku ditaba.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Bienzedi 19:20

Ke muvua muaku wa Mfumu wenda utanta, uleja bukole buawu.

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Bienzedi 21:20

Bamane kumvua bionsu abi, kutumbishabu Mvidi Mukulu. Pashishe kuambilabu Polu ne: — Muanetu, udi mumone mukadi bena Yuda bitaba Yezu binunu ne binunu. Kadi buonsu buabu batshidi amu bakumbaje bimpe mikenji ya Moshe.

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 16:26

Kadi mpindiewu bavua baaleje patoke. Mikanda ya bambi idi ijadika nanku. Mvidi Mukulu mmufume diyi bua bamanyishe bisamba bionsu meji masokome aa, bua bitabe Lumu lua Disanka, bitamikile Mvidi Mukulu.

Ngalate 1:23

Bavua anu bamanye bivua bantu bamba ne: “Muntu ewu uvua mutukengeshe kale, ukadi ulongesha ditaba divuaye ukeba kubutula.”

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

Kolose 1:6

Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

Ebrewu 11:8

Amu bua ditaba, Abrahame kutumikila Mvidi Mukulu uvua mumubikile. Kuyaye ku ditunga divua Mvidi Mukulu musue kumupesha bu bumpianyi. Kumukaye mu ditunga diabu, kayi mumanye kuvuaye ne bua kuya.

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

Yuda 1:20

Kadi nuenu, hetu basuibue, shindamayi amu kushindama pa ditaba dienu dia tshijila tshipite. Nutendelele mu bukole bua Mueyelu wa Tshijila.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.