Bienzedi 6:5 - MUKANDA WA MYIDI MUKULU

⁵ Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Di edi diakabasankisha buonso buabo; bakasungula Stefano, mule tente ne ditabusha ne Nyuma Muimpe; ne Filipo, ne Polokolo, ne Nikanô, ne Timono, ne Pâmena, ne Nikolao wa ku Antiokia wakadi muitabushi wa bualu bua Bena Yuda.

Bienzedi 6:5 교차 참조

Genese 41:37

Mukalenga wa bena Ejipitu ne balombodi ba mu bukalenga buende, kuitaba bionsu bivua Yozefe mubambile.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Matayi 23:15

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nutambakana pa buloba bujima, ne pa mayi manene, bua kupeta muntu udi mua kukudimuna mutshima wende. Kadi panudi bamane kumupeta, nudi numupisha tshibawu tshia kapia ka tshinyangu, tshipite tshienu misangu ibidi.

Bienzedi 11:19

Bamane kushipa Stefane, kutuadijabu kukengesha bena ditaba. Ke bena ditaba kutangalaka. Bamue ba kudibu kuya too ne ku Fenisiya, ne ku Shipre, ne ku Antiyokiya. Kadi bavua balongesha amu bena Yuda nkayabu malu a Mvidi Mukulu.

Bienzedi 11:20

Kadi bamue bena ditaba bavua mu tshidila tshia Shipre, ne ba mu tshimenga tshia Sirene, bavua bafike kabidi mu Antiyokiya. Kutuadijabu kulongesha bantu ba bisamba bikuabu, babamanyisha Lumu lua Disanka lua Mfumu Yezu.

Bienzedi 11:22

Balombodi ba Tshisumbu tshia bena ditaba ba mu Yerushalayime kumvua lumu alu. Kutumabu Barnabase mu Antiyokiya.

Bienzedi 11:24

Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

Bienzedi 11:26

Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Bienzedi 11:27

Matuku awu bambi kumuka ku Yerushalayime, kufika ku Antiyokiya.

Bienzedi 13:1

Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Bienzedi 15:22

Ke bapostolu, bakulu, pamue ne Tshisumbu tshijima tshia bena ditaba, kujadika bua kusungula bamue ba kudibu, bua babatume mu Antiyokiya, pamue ne Polu ne Barnabase. Kusungulabu bakulu babidi bavua ba lumu luimpe munkatshi mua bena ditaba: ke Yuda, udibu binyika kabidi Barsabase, ne Silase.

Bienzedi 2:4

Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Bienzedi 21:8

Butshia tuetu kutungunuka ne luendu, kuyila njila wa ku makasa, kufika mu Kezareya. Tuetu kuya kua Filipe, mulongeshi wa Lumu lua Disanka, kulala kuende. Filipe uvua wa ku bantu muanda mutekete, bavuabu basunguile ku Yerushalayime, bua kuambuluisha bapostolu.

Bienzedi 22:20

Pavuabu bashipa mujadiki webe Stefane, meme kabidi mvuapu. Mvua muanyishe bavua bamushipe, mubalamine ne bilamba.”

Bienzedi 6:10

Kadi kabavua ne bukole bua kumutuisha. Bualu Stefane uvua wakula ne meji, avuaye mupete kudi Mueyelu wa Tshijila.

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

Bienzedi 6:8

Mvidi Mukulu uvua muele Stefane lupemba. Kupetaye bukole bua kuenza bishima ne malu a dikema munkatshi mua bantu.

Bienzedi 7:1

Mutuangaji munene kukonka Stefane ne: — Bidi bantu aba bakusonguela nabi mbia bushuwa anyi?

Didimanyisha 2:15

Kuenu kudi kabidi badi bitaba dilongesha dia bena Nikolayite.

Didimanyisha 2:6

Kadi udi ne diakalenga, bualu udi mubenge malu a bena Nikolayite, amu mundi muabenga meme.