Bienzedi 5:16 - MUKANDA WA MYIDI MUKULU

¹⁶ Bantu ba bungi ba mu misoku ya pabuipi ne Yerushalayime, bavua bafika ne babeedi, kabidi ne bantu bavua mikishi mibi mikuate. Bonsu bavua amu bapanda.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bantu ba bungi bafume ku misoko yakadi hehi ne Yelushalema bakadi badiunguisha, batuale basame ne bakadi batatshisha kudi nyuma ya bukoya; masama a buonso buabo akashika.

Bienzedi 5:16 교차 참조

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 8:16

Dilolu kutuadilabu Yezu bantu bavule bavuabu batatshisha kudi mikishi mibi. Yezu kuipata mikishi mibi ayi ku bukole bua diyi diende, kujikija kabidi masama a bonsu bavua kabayi bumvua bimpe.

Luke 5:17

Dituku dikuabu Yezu uvua ulongesha. Baparushe ne balongeshi ba mikenji bavua basomba pavuaye. Bavua bafume ku misoku yonsu ya mu Ngalileya, ya mu Yudeya, ne ku tshimenga tshia Yerushalayime. Yezu uvua ne bukole bua kudi Maweja-Nangila, buvuaye ujikija nabu masama a bantu.

Luke 6:18

Bavua bafika bua kumvua dilongesha dia Yezu, ne bua ajikije masama abu. Bavua ne mikishi mibi ibakengesha, bavua bapanda.

Luke 9:11

Kadi bantu kumanya bualu, kulonda Yezu. Ke Yezu kubakidila, kubalongesha malu a Bukalenga bua Mvidi Mukulu, kujikija masama a bavua nawu.

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

Bienzedi 5:15

Bavua bafika ne babeedi mu misesu, babaladika pa malalu ne pa biata, bua nansha Petro upita, mundidimbi wende ubuikile bamue ba kudibu.

Bienzedi 5:17

Diba adi mutuangaji munene ne bantu bonsu bavuaye nabu, ke bena tshisumbu tshia Basaduke, kufikila bapostolu munda. Kushindikabu mua kuenza bualu.

1 Korente 12:9

Munga udi upeta kudi Mueyelu umue wa momumue dipa dia ditaba dikole, mukuabu dipa dia kuondapa babedi.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.