Bienzedi 5:14 - MUKANDA WA MYIDI MUKULU

¹⁴ Bungi bua bantu balume ne bakaji bavua bitabe Mvidi Mukulu, babuele mu tshisumbu, buvua buenda buvula.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ bena kuitabusha bakasangishibua kudi Mukelenge, bisumbu bia balume ne bia bakashi, batambe ba diambedi bungi.

Bienzedi 5:14 교차 참조

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Bienzedi 22:4

Mvua mukengeshe, mushipeshe bavua balonda njila wa Mfumu Yezu. Mvua mukuate balume ne bakaji, mubeleshe mu nkanu.

Bienzedi 9:42

Bualu ebu kumanyika mu Yope mujima. Bantu ba bungi kuitaba Mfumu.

Bienzedi 9:35

Bena mu Lida bonsu, ne bena mu mpata wa Sarone, bamumona wenda bimpe, kuitababu Mfumu.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Bienzedi 9:2

umulomba mikanda bua kuyaye kudileja nayi mu nzubu ya kutendelela ya bena Yuda ya mu tshimenga tshia Damase. Ne mikanda ayi, yeye musangane bantu, balume nansha bakaji, badi balonda Njila wa Mfumu, uvua mua kubakuata, kuya nabu ku Yerushalayime.

Bienzedi 8:12

Kadi Filipe mumane kubakengesha Bukalenga bua Mvidi Mukulu, kabidi ne bukole bua dina dia Yezu Kristu, kuitababu Lumu lua Disanka. Kubatuaye mu mayi, balume ne bakaji.

Bienzedi 8:3

Shawule uvua wenza muende muonsu bua kubutula Tshisumbu tshia bena ditaba. Uvua upita ku nzubu ku nzubu, ukuata balume, ukuata bakaji, ubela mu lukanu.

Bienzedi 6:7

Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Bienzedi 4:4

Kadi bantu ba bungi bavua bumvue dilongesha edi, kuitababu. Bena ditaba bakavua bu binunu bitanu.

Bienzedi 2:41

Bantu ba bungi kuitaba miaku ya Petro ayi. Kubatuabu mu mayi. Dituku adi, bantu bu binunu bisatu kubuela mu tshisumbu tshia bena ditaba.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Ezela 10:1

Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

2 Samuele 6:19

Pashishe Davide kuabanyina bena Izrayele bonsu, balume ne bakaji, biakudia. Muntu yonsu kupeta diampa dipepela, mukata muenza ne bimuma bia date, mukuabu muenza ne tumuma tua mvinyo tumane kuuma. Ke muntu yonsu kupingana ku nzubu kuende.

Ekesode 35:22

Bantu bonsu ba muoyi muimpe balume ne bakaji, kufila bilengejilu bia tshiamu tshia mpawungi bia mishindu mishilangane: tukanu tua pa bilamba, tua ku matshi, tua ku minu ne tua mu nshingu. Kadi muntu yonsu uvua wela bintu abi mulu, ubinyukule bua kubilambula Maweja-Nangila.

Bienzedi 11:24

Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

2 Korente 6:15

Kristu ne diabolu badi mua kumyuangana anyi? Muena ditaba ne udi kayi muena ditaba, badi mua kuenza tshintu tshimue anyi?