Bienzedi 5:13 - MUKANDA WA MYIDI MUKULU

¹³ Bantu bavua kabayi mu tshisumbu tshiabu, kabavua bafika pavuabu. Kadi bavua amu banyisha bena ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kakuakadi muntu wa bakadi bashale wakadi ne bukitu bua kudisangisha nʼabo; kadi bantu bakadi babatumbisha;

Bienzedi 5:13 교차 참조

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Luke 19:48

Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Yowanane 19:38

Pashishe, Yozefe muena mu tshimenga tshia Arimateya kulomba Pilate dianyisha dia kuangata tshitalu tshia Yezu. (Yozefe ewu uvua mulongi wa Yezu, kadi mu musokoku, bualu uvua utshina bamfumu ba bena Yuda.) Ke Pilate kuanyisha dilomba adi. Nanku Yozefe kuya kuangata tshitalu tshia Yezu.

Yowanane 9:22

Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Bienzedi 19:17

Bena mu Efeze bonsu, bena Yuda ne bena Ngreke, kumanyabu bualu abu. Kukuatshikabu buowa, kutumbisha dina dia Mfumu Yezu.

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Bienzedi 4:21

Bena Tshipangu kubakanyina tshiakabidi, pashishe kubalekelabu. Kabavua ne mushindu wa kubanyoka, bualu bantu bonsu bavua batumbisha Mvidi Mukulu bua bivua bienzeke.

Bienzedi 5:26

Mulombodi wa balami ba nzubu wa Mvidi Mukulu kuya ne bantu bende bua kukuata bapostolu. Kadi kabavua babakengesha to, bualu bavua batshina ne: bantu badi mua kutuasa mabue.

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.

2 Korente 10:15

Nanku katuena tusambuka mikalu. Katuena tuditemba bua midimu ivua bakuabu bakuate. Kadi tudi batekemene ne: ditaba dienu nedikole, bua tumone mua kukuata mudimu mupite bunene munkatshi muenu, katuyi tupita mikalu ivua Mvidi Mukulu mutufundile.