Bienzedi 5:12 - MUKANDA WA MYIDI MUKULU

¹² Bapostolu bavua benza bishima bia bungi ne malu a dikema munkatshi mua bantu. Bena ditaba bavua basangile pamue mu lutanda lua Shelomu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Ku bianza bia bapostolo bimanyinu bia bungi ne malu a kukema biakadi bienjibua munkatshi mua bantu; buonso buabo bakadi badisangisha mu mbalanda wa Solomo ne mutshima umue.

Bienzedi 5:12 교차 참조

Yirmeya 26:9

Mmunyi mudi mulumiana ewu mua kuambila bantu mu dina dia Maweja-Nangila ne: nebupule nzubu wa Mvidi Mukulu ewu, muvuabu bupule wa mu Shilo; nansha ne: tshimenga etshi netshibutuke, bantu kabayi kabidi basombamu. Nanku bantu bonsu bavua mu nzubu wa Mvidi Mukulu kunguilabu bua kuluisha Yirmeya.

Marke 16:20

Balongi kuya kulongesha miaba yonsu Lumu lua Disanka. Mfumu uvua ubambuluisha mu mudimu ewu, bua kuleja ne bivuabu balongesha bivua bia bushiwa ku bishima bivuabu benza.]

Yowanane 10:23

Yezu uvua utambakana mu lutanda lua nzubu wa Mvidi Mukulu, luvuabu binyika ne: ndua Shelomu.

Yowanane 4:48

Yezu kumuamba ne: — Nuenu, kanuena ne mushindu wa kuitaba panudi kanuyi numona bishima ne malu a kukema.

Bienzedi 1:14

Bonsu bavua muoyi umue, bananukila mu ditendelela, pamue ne bakaji bakuabu, kabidi ne Mariya, mamuende wa Yezu, ne bana babu ne Yezu.

Bienzedi 14:3

Kadi Polu ne Barnabase bavua amu mua kushala matuku makumbane mu Ikoniyume. Bavua batekemena kudi Mfumu, balongesha bantu ne: Mfumu ke udi utupa bumfumu bua kuenza bishima ne malu a dikema. Ke mudiye unuleja ne: bitudi tunulongesha pa dinanga didi Mvidi Mukulu utunanga nadi mbilelela.

Bienzedi 16:18

Mukaji awu uvua wenza nanku matuku a bungi. Pashishe kutondabi Polu. Ke kukudimukaye, wambila mukishi mubi awu ne: — Mu dina dia Yezu Kristu, ndi nkutumina diyi ne: patuka munda mua muntu awu! Diakamue mukishi kupatuka.

Bienzedi 19:11

Mvidi Mukulu uvua wenzeja Polu bishima bia dikema.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 28:9

Ke babeedi bakuabu ba mu tshidila kufika. Masama abu kujika.

Bienzedi 3:11

Bu muvua muntu awu kayi musue kushiya Petro ne Yowanane, bantu bonsu bavua bakema bikole, bunguila mu Lutanda luvuabu binyika ne “lua Shelomu,” muvua Petro ne Yowanane.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

Bienzedi 9:33

Mu musoku amu Petro kusangana muena tuneke, dina diende Eneyase. Ukatua mulale mu bulalu panshi bidimu muanda mukulu.

Bienzedi 9:40

Petro kupatula bantu bonsu mu nzubu, kutua binu, utendelela Mvidi Mukulu. Pashishe kutangilaye tshitalu, wamba ne: — Tabita, biika! Tabita utabala, kumonaye Petro. Kujukaye pa bulalu, kusomba.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

2 Korente 12:12

Lutuulu lumvua nalu, malu a dikema ne bishima bimvua muenze munkatshi muenu, ke bivua mua kunujadikila mundi mupostolu.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.