Bienzedi 4:2 - MUKANDA WA MYIDI MUKULU

² Bavua bafike munda bikole, bualu bapostolu babidi aba bavua balongesha bantu, babamanyisha ne: bantu badi mua kubiika ku lufu, bualu bavua babajadikile ne: Yezu mmubiike ku bafue.

Mukanda wa Nzambi Dihungila Dikulukulu ne Dihungila Dihia-dihia 2003

² bakadi ne tshishi bualu bua bakadi bayisha bantu, bakadi bamba bua dibika dia ku lufu bualu bua Yesu wakabika.

Bienzedi 4:2 교차 참조

Nehemya 2:10

Pashishe, Sanebalate, muena Orone, ne Tobiya, muena Amone, uvua umuambuluisha, kumvuabu lumu lua difika dianyi. Nanku kufikabu munda bikole, bua pumvuabu ne muntu mmufike bua kuambuluisha bena Izrayele.

Bienzedi 13:45

Kadi bena Yuda bamona bungi bua bantu abu, kupetabu lubabu, babenga bivua Polu wamba, bamupenda kabidi.

Bienzedi 17:18

Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne: — Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika, bavua bamba ne: — Bidi bimueneka ne: udi ulongesha malu a mvidie ya bantu ba bisamba bikuabu.

Bienzedi 19:23

Ke tshikondu tshivua tshimvundu tshinene tshijuka mu Efeze bualu bua njila wa muoyi wa Mfumu.

Bienzedi 24:21

Tshilumbu tshindi mua kuikala natshi, tshidi amu tshia miaku imvua muambe ne diyi dikole ne: “mBamfunde lelu ku tshilumbu kumpala kuenu, bualu ndi ngitaba ne: bafue nebabiike.”

Bienzedi 26:23

Kristu neakenge, neafue, neikale wa kumpala wa kubiika ku bafue. Neamanyishe bena tshisamba tshietu, ne bantu ba bisamba bikuabu, butoke budi mua kubasungidila.

Bienzedi 26:8

Munyi munudi nuenu bena Yuda kanuyi mua kuitaba ne: Mvidi Mukulu udi mua kubisha bafue!

Bienzedi 3:15

Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.

Bienzedi 5:17

Diba adi mutuangaji munene ne bantu bonsu bavuaye nabu, ke bena tshisumbu tshia Basaduke, kufikila bapostolu munda. Kushindikabu mua kuenza bualu.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

1 Korente 15:23

Kadi muntu yonsu udi ubika mu wende mulongu. Kristu ke ntungamulongu wa bantu bonsu badi babika. Padiye upingana panu, badi bende nebabike kabidi.