Bienzedi 3:21 - MUKANDA WA MYIDI MUKULU

²¹ Mpindiewu Yezu udi ne bua kushala mu diulu, too ne ku tshikondu tshidi Mvidi Mukulu ne bua kuakajilula bionsu, bu muvuaye muambe kale kudi bambi bende ba tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Budiye nʼabu mbua kushala mu diulu tô ne halua bikondo bia kujadikabo tshiakabidi malu onso akamba Nzambi mukana mua baprofete bandi ba tshijila kale kale tô ne katataka.

Bienzedi 3:21 교차 참조

Yeshaya 1:26

Nenkupingajile bandumbulula bimpe, amu muvua bebe ba ku tshibangidilu. Bafidi bebe ba ngenyi nebafile ngenyi mimpe, amu muvuabu benza ku kale. Nenku nebakuinyike ne: ‘Tshimenga tshia buakane,’ ‘Musoku udi bantu ne muoyi umue.’ ”

Luke 1:70

Ke tshivuaye mudianze kumanyisha bantu kale, mukana mua bambi bende ba tshijila.

Bienzedi 1:11

kubakonka ne: — Bena Ngalileya, munudi bimane apa batangile mulu nanku mbishi? Yezu ewu, udibu bumushe kunudi, bambule mu diulu, neapingane kabidi, mushindu unudi bamumone ubandamu.

Bienzedi 10:43

Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Bienzedi 3:20

Diba adi Mvidi Mukulu neasemeje pabuipi matuku a lupandu. Neanutumine Kristu uvuaye mudianze kunusunguila, ke Yezu mene.

Rome 8:21

dikuabu dituku nebapikule ne bifukibua mene, nebabipatule ku bumfumu bua mubutudi, udi mubikuate mu bupika, bua bidisange mu butumbi bua bana ba Mvidi Mukulu padibu bamane kubapikula.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.

2 Petro 3:2

Ndi musue bua nuvuluke miaku ivua bambi ba tshijila banulongeshe kale, kabidi ne mikenji ya kudi Mfumu ne Musungidi, ivua bapostolu benu banumanyishe.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Didimanyisha 22:6

Pashishe mutumibue kungambila ne: — Miaku eyi mmilelela, nudi mua kuyitaba. Kabidi Maweja-Nangila Mvidi Mukulu, udi upa bambi Mueyelu wende, uvua mutume mutumibue wende, bua aleje bantu bende bidi ne bua kuenzeka amu mpindiewu.