Bienzedi 28:3 - MUKANDA WA MYIDI MUKULU

³ Polu kuangula nkunyi bua kuela mu kapia. Nyoka kupatukamu, unyema luya, kumusuma ku tshianza.

Mukanda wa Nzambi Dihungila Dikulukulu ne Dihungila Dihia-dihia 2003

³ Hakatshiabu Paulo tshisumbu tshia nkunyi, hakatshieleye mu kahia, nyoka wakahatukamu bualu bua luiya lua kahia, wakalamata ku tshianza tshiandi.

Bienzedi 28:3 교차 참조

Yobe 20:16

Bivuaye mulake, bivua lulengu lua nyoka. Bidi bishipangana bu lulengu lua nyoka wa ntoka, musuma muntu.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Yeshaya 41:24

Kadi nudi tuntu tua patupu. Binudi nuenza bidi bia tshianana. Badi banusungula bu mvidie yabu, ndi mbadiwula kashidi.

Yeshaya 59:5

Malu anudi bela meji bua kuenza, adi amu mabi bu makela a nyoka. Muntu udi walenga, udi ufuilaku diakamue. Dikela diodi ditayike, didi dipatula nyoka wa ntoka. Malu anudi nuenza adi amu bu buntande:

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

Matayi 23:33

Nudi nyoka, kabidi bana ba nyoka! Nudi nuela meji ne: nenupanduke ku kapia ka tshinyangu anyi?

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Marke 16:18

nansha bobu bakuate nyoka ne bianza biabu, nansha bobu banue mayi a lulengu, kabiena bibenzela bualu bubi nansha bumue. Nebatenteke babedi bianza masama abu neajike.

Bienzedi 28:2

Bena tshidila kubakidila bimpe bitambe. Muvua mashika makole, bualu mvula uvua uloka wa bungi. Nanku kutemeshabu kapia, tuetu kusemena bonsu bua kuota.

Bienzedi 28:4

Pavua bena ditunga bamona nyoka mulembelela ku tshianza tshia Polu, kuambilanganabu ne: — Bushuwa, ewu mmushipianganyi. Nansha yeye mupanduke ku mayi, Mvidi Mukulu udi amu umunyoka!

2 Korente 11:23

Badi bakuatshila Kristu mudimu anyi? Nanku, — ndi ngakula bu muntu mujimije lungenyi — meme kabidi ndi mukuatshile Kristu mudimu, mubapite bonsu! Bayua bankengesha bipite muyuabu babakengesha bobu. Bayua bangela mu lukanu misangu ya bungi. Bayua bantuuta bipite. Meme kubuela mu njiwu ya lufu misangu ne misangu.

2 Korente 6:9

Bamue badi batutangila bu benyi, bakuabu bu bantu badi bonsu bamanye. Tudi tupunga ne lufu, kadi nudi numona mutudi ne muoyi. Badi batunyoka, kadi kabena batushipa.