Bienzedi 26:7 - MUKANDA WA MYIDI MUKULU

⁷ Bisamba bietu dikumi ne bibidi bidi bitendelela Mvidi Mukulu butuku ne munya, bitekemena amu: bidi Mvidi Mukulu mulaye, nebikumbane. Mukalenga Agripa, bena Yuda mbamfunde amu bua ditekemena adi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ bisamba bietu dikumi ne bibidi bidi bitendelela Nzambi bikole butuku ne munya, bidi bitekemena ne, Netuhete mulayi au. Mukelenge, Bena Yuda badi bambandila bualu bua ditekemena edi.

Bienzedi 26:7 교차 참조

Ezela 6:17

Mu tshibilu atshi, bavua balambula nyama ya ngombe milume lukama, mbuji ya mikoku ya bimpanga nkama ibidi, bana ba mikoku nkama inayi, kabidi ne mbuji ya mpumbu dikumi ne ibidi, mbuji umue uvua mufume ku tshisamba tshionsu tshia bena Yuda, bua Mvidi Mukulu afuile bena Izrayele bonsu luse.

Ezela 8:35

Bonsu, bavuabu baye nabu mu bupika, bamane kupingana, bavua balambula Mvidi Mukulu wa Izrayele milambu ya kuosha mu dina dia bena Izrayele bonsu: nyama ya ngombe milume dikumi ne ibidi, mbuji ya mikoku ya bimpanga makumi tshitema ne isambombu, ne bana ba mikoku makumi muanda mutekete ne muanda mutekete. Bavua balambula kabidi mbuji ya mpumbu dikumi ne ibidi bu mulambu wa kukobolola nawu bantu. Bavua boshila Maweja-Nangila nyama yonsu ayi.

Misambu 135:2

bimana mu nzubu wa tshijila wa Maweja-Nangila, mu lubanza lua nzubu wa Mvidi Mukulu wetu.

Matayi 19:28

Yezu kubambila ne: — Ndi nnujadikila bulelela ne: pasomba Muana wa muntu mu nkuasa wende wa lumu mu buloba bupiabupia, nuenu bavua bandonde, nenusombe penu mu nkuasa dikumi ne ibidi, bua kulumbuluisha bisamba dikumi ne bibidi bia bena Izrayele.

Luke 2:25

Diba adi mu Yerushalayime muvua muntu, dina diende Shimeyone. Uvua unemeka Mvidi Mukulu, ukumbaja bivuaye musue. Uvua muindile muntu uvua ne bua kusungidila bena Izrayele. Mueyelu wa Tshijila kabidi uvua nende.

Luke 22:30

Nuenu nenudie, nunue ku mesa anyi mu Bukalenga buanyi. Nenusombe mu nkuasa ya bumfumu bua kukosa nsambu ya bisamba dikumi ne bibidi bia bena Izrayele.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

Bienzedi 24:15

Ndi mutekemene kudi Mvidi Mukulu, amu mudibu bobu mene batekemene ne: bantu bimpe ne babi nebabiike ku bafue.

Bienzedi 26:2

— Mukalenga Agripa, ndi ne disanka dia kudilumbuluila lelu kumpala kuebe, pa bionsu bidi bena Yuda bansonguela.

Bienzedi 26:3

Bualu wewe udi mumanye bimpe bibidilu bia bena Yuda, ne mpata yabu. Ke pandi nkulomba, bua untelejeku ne lutulu.

Bienzedi 28:20

Ke pandi mulombe bua kumonangana nenu apa. mBansuike lukanu elu, bualu bua muntu ewu udi bena Izrayele bonsu batekemena.

Filipe 3:11

ntekemena ne: Mvidi Mukulu neambishe meme kabidi ku lufu.

1 Tesalonike 3:10

Munya ne butuku tudi tumulomba, tumusengelela, bua tumonangane nenu mpala ne mpala, tukumbaje malu a ditaba dienu atshidi mashale.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.