Bienzedi 23:1 - MUKANDA WA MYIDI MUKULU

¹ Ke Polu kutangila bena Tshipangu, wamba ne: — Bana betu, too ne lelu mvua mukumbaje bimpe bidi Mvidi Mukulu musue. Nanku kondu ka munda kakena kantuuta.

Mukanda wa Nzambi Dihungila Dikulukulu ne Dihungila Dihia-dihia 2003

¹ Paulo wakatangila balumbuludi talala, wakamba ne Bana betu, nakadi muikale ne mutshima muakane ku mesu kua Nzambi tô ne ku dituku edi.

Bienzedi 23:1 교차 참조

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Bienzedi 22:1

— Batatu ne bana betu, ntelejayi. Bualu ndi musue kudilumbuluila mpindiewu kumpala kuenu.

Bienzedi 22:30

Butshia, mulombodi wa basolayi kukeba kumanya tshilumbu tshivua bena Yuda bafundile Polu. Kumusuluishaye nkanu. Kubikilaye bamfumu ba batuangaji, ne bena Tshipangu tshikulu bonsu, mu tshisangilu. Pashishe mumane kubueja Polu, kumuimanyikaye kumpala kuabu.

Bienzedi 22:5

Mutuangaji munene, ne bena tshipangu tshia bakulu bonsu badi apa, badi mua kujadika bindi ngamba ebi. Bavua bampeshe mikanda, mifundila bana betu bena Yuda ba mu Damase. Ke mumvua mufike muine amu, bua kukuata bavua bitaba Yezu, kupingana nabu mu Yerushalayime, bua babanyoke.

Bienzedi 23:15

Nenku nuenu, ne bena Tshipangu tshikulu bonsu, lombayi mulombodi wa basolayi, bua anutumine Polu. Numudingidije ne: tudi basue kutangila tshilumbu tshiende bimpe. Tuetu netumuadile mu njila, bua kumushipa, kayi muanji kufika kunudi.

Bienzedi 23:20

Nsongalume kuandamuna ne: — Bena Yuda mbumvuangane bua kukulomba ne: utume Polu maloba mu Tshipangu tshikulu. Pine apu mbadingidije ne: tudi basue kutangila tshilumbu tshiende bimpe.

Bienzedi 23:28

Meme kumufikisha mu Tshipangu tshikulu, bua kumanya tshivua bena Yuda bamufundile.

Bienzedi 23:6

Bu muvua Polu mumanye ne: mu Tshipangu mudi Basaduke ne Baparushe, ke kuelaye diyi dikole, wamba ne: — Bana betu, meme ndi Muparushe, muana wa Baparushe. mBamfunde ku tshilumbu, bualu ndi ngitaba, ntekemena ne: bafue nebabike!

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Bienzedi 6:15

Bantu bonsu bavua basombe mu nzubu wa Tshipangu bavua batangile Stefane talalaa. Bavua bamone mpala wende umueneka bu wa mutumibue wa Mvidi Mukulu.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

2 Timote 1:3

Ndi ngela Mvidi Mukulu tuasakidila. Ke Yeye undi nkuatshila mudimu ne muoyi mujima, muvua bankambua banyi benze. Ndi mmuela tuasakidila, pandi nkuvuluka munya ne butuku mu ditendelela dianyi, tshiyi mpungila.

Ebrewu 13:18

Nutulombele kudi Mvidi Mukulu. Bualu tudi bajadike mudi kondu ketu ka munda kakayi katupisha, bualu tudi tujinga kuenza bimpe diba dionsu.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.