Bienzedi 22:7 - MUKANDA WA MYIDI MUKULU

⁷ Meme kudishinda panshi, kumvua diyi ne: “Shawule, Shawule, udi unkengesha bua tshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nakahona hanshi, nakunvua dî dingambila ne, Shaula, Shaula, udi unkengesha meme tshinyi?

Bienzedi 22:7 교차 참조

Genese 16:8

Awu kumukonka ne: — Agare, mupika wa Sarayi, udi ufuma penyi? Uyaya kuepi? Agare kuandamuna ne: — Ndi nnyema Sarayi, mfumuanyi wa mudimu.

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Genese 22:11

Kadi kumvuaye diyi dia mutumibue wa Mvidi Mukulu difumina mu diulu dimubikila ne: — Abrahame, Abrahame! Yeye kuitaba ne: — Ke meme ewu.

Genese 3:9

Maweja-Nangila Mvidi Mukulu kubikila mulume, kumukonka ne: — Udi penyi?

Ekesode 3:4

Maweja-Nangila uvua mumone muvua Moshe usemena pabuipi bua kujadika bualu abu. Kubikilaye Moshe munkatshi mua tshipuka ne: — Moshe! Moshe! Awu kuitaba ne: — Ke meme awu.

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yirmeya 2:9

Nanku, ndi nenu tshilumbu. Nendumbuluishe ndelanganyi yenu. Meme Maweja-Nangila ndi njadika nanku.

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Matayi 27:23

Pilate kubakonka ne: — Mmuenze bualu bubi kaayi? Kadi kuelabu mbila mikole mipite, bamba ne: — Umupopele pa mutshi mutshiamakane!

Bienzedi 22:6

— Mvua nya mu njila. Nkavua pa kubuela mu Damase. Bu mpindiewu, diba munda munya, butoke bunene bufuma mu diulu kumbuikila ne nkenke yabu.

Bienzedi 22:8

Meme kuebeja ne: “Mukalenga, wewe udi nganyi?” Diyi kungandamuna ne: “Ndi Yezu wa mu Nazarete uudi ukengesha.”

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

1 Samuele 3:10

Maweja-Nangila kufika, kuimana kabidi muaba awu bu misangu mikuabu. Kubikilaye ne: “Samuwele, Samuwele”! Muana kuitaba ne: — Ke meme muntu webe ewu ndi muteleja, ngambilaku.