Bienzedi 22:3 - MUKANDA WA MYIDI MUKULU

³ — Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Mukanda wa Nzambi Dihungila Dikulukulu ne Dihungila Dihia-dihia 2003

³ Ndi bianyi Muena Yuda, nakaledibua mu Tâso wa mu Kilikia, kadi nakakolela mu musoko eu, ku makasa a Gamaliele; bakanyisha bu mudi tshilele mene tshia mikenshi ya bankambua betu, muikale ne lukunukunu lua bualu bua Nzambi bu munudi nʼalu buonso buenu lelu.

Bienzedi 22:3 교차 참조

2 Samuele 21:2

Mukalenga Davide kubikidisha bena Ngibone bua kuyukila nabu. Bena Ngibone kabawa bena Izrayele to. Bavua bena Amone bavua bashala ne muoyi, bualu bena Izrayele bavua babalaya ne: katuena mua kunushipa to. Kadi pavua Shawule ukeba kusankisha bena Izrayele ne bena Yuda, uvua ukeba kubutula bena Ngibone.

2 Bakalenga 4:38

Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

Luke 10:39

Mukaji awu uvua ne muanabu, diende Mariya. Ke Mariya kuya kusomba ku makasa a Mfumu, uteleja bivuaye ulongesha.

Luke 2:46

Dituku disatu kumusanganabu mu nzubu wa Mvidi Mukulu. Uvua musombe munkatshi mua balongeshi ba bena Yuda, ubateleja, ubela ne nkonku.

Luke 8:35

Ke bantu kufika bua kudimuena bivua bienzeke. Basemena pabuipi ne Yezu, kusanganabu muntu uvua mikishi mibi mishiye, musombe ku makasa a Yezu, muvuale bilamba, lungenyi lubutama. Ke bowa kukuata bantu.

Bienzedi 11:25

Ke Barnabase kuya kukeba Shawule ku Tarse.

Bienzedi 15:23

Kubapabu mukanda. Bavua bafundamu ne: “Tuetu bapostolu ne bakulu, bana benu, tudi tunuela muoyi, nuenu bena ditaba badi kabayi bena Yuda, badi basa mu Antiyokiya, mu Siriya, ne mu Silisiya.

Bienzedi 15:41

Polu kupita mu Siriya ne mu Silisiya, wenda ukolesha bantu ku muoyi mu Bisumbu bionsu bia bena ditaba.

Bienzedi 21:20

Bamane kumvua bionsu abi, kutumbishabu Mvidi Mukulu. Pashishe kuambilabu Polu ne: — Muanetu, udi mumone mukadi bena Yuda bitaba Yezu binunu ne binunu. Kadi buonsu buabu batshidi amu bakumbaje bimpe mikenji ya Moshe.

Bienzedi 21:39

Polu kuandamuna ne: — Meme ndi muena Yuda. mBandele mu Tarse, tshimenga tshia lumu tshia mu Silisiya. Ndi nkulomba dianyisha, bua ngambile bantu bualu.

Bienzedi 23:34

Mulombodi wa ditunga mumane kubala mukanda, kukonkaye Polu ne: “Udi wa mu ditunga kaayi?” Yeye mumvue ne: Polu ngwa mu Silisiya,

Bienzedi 23:6

Bu muvua Polu mumanye ne: mu Tshipangu mudi Basaduke ne Baparushe, ke kuelaye diyi dikole, wamba ne: — Bana betu, meme ndi Muparushe, muana wa Baparushe. mBamfunde ku tshilumbu, bualu ndi ngitaba, ntekemena ne: bafue nebabike!

Bienzedi 26:5

Nanku badi bammanye kale. Bu bobu basue, badi mua kujadika ne: ndi Muparushe, muena tshisumbu tshia bantu badi bakumbaja bimpe bitambe malu a ditaba dietu.

Bienzedi 26:9

Meme kabidi mvua muele meji ne: ndi ne bua kuenza muanyi muonsu bua kuluisha Yezu wa mu Nazarete.

Bienzedi 5:34

Kadi mu Tshipangu muvua Muparushe mukuabu, dina diende Ngamaliyele, mulongeshi wa mikenji, uvua bantu bonsu banemeka. Kujukaye munkatshi mua bena Tshipangu, kulomba bua banji kupatula bapostolu katupa pambelu.

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Bienzedi 9:1

Kadi Shawule utshivua amu ukanyina balongi ba Mfumu, ukeba kubashipa. Ke kuyaye kudi mutuangaji munene,

Bienzedi 9:11

Mfumu kumuambila ne: — Juka, uye lukasa mu musesu Mululame. Ukonke ku nzubu kua Yudase. Kudi muntu wa mu Tarse, dina diende Shawule. Udi utendelela mpindiewu.

Bienzedi 9:30

Balongi bamanya bualu abu, kufilabu Shawule mu Kezareya, bua afike mu Tarse.

Rome 11:1

Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

2 Korente 11:22

Badi bena Ebrewu menemene anyi? Meme kabidi! Badi bena Izrayele anyi? Meme kabidi! Badi bantu ba ku ndelanganyi ya Abrahame anyi? Nansha meme!

Ngalate 1:14

Mvua mukumbaje bimpe bitambe malu a ditaba dia bena Yuda, mupite bena mulongu wanyi bavule. Mvua musuminyine bibidilu bia bankambua, kakuyi wa kufuanangana nanyi.

Ngalate 1:21

Pashishe meme kuya mu buloba bua Siriya ne bua Silisiya.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.