Bienzedi 21:8 - MUKANDA WA MYIDI MUKULU

⁸ Butshia tuetu kutungunuka ne luendu, kuyila njila wa ku makasa, kufika mu Kezareya. Tuetu kuya kua Filipe, mulongeshi wa Lumu lua Disanka, kulala kuende. Filipe uvua wa ku bantu muanda mutekete, bavuabu basunguile ku Yerushalayime, bua kuambuluisha bapostolu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hakatshiabu, tuakumuka tuakalua ku Kaisalia. Hatuakabuela mu nsubu wa Filipo, muambi wa Lumu Luimpe umue wabo wa bulami muanda mutekete, tuakalala kuandi.

Bienzedi 21:8 교차 참조

Bienzedi 10:1

Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.”

Bienzedi 16:10

Polu mumane kumona malu aa, tuetu kudilongolola diakamue bua kuya mu Masedoniya. Bualu tuvua bashindike ne: Mvidi Mukulu udi mutubikile bua kulongesha bena mu ditunga adi Lumu lua Disanka.

Bienzedi 16:13

Dituku dia Dikisha, tuetu kupatuka mu tshimenga, kuya ku muelelu wa musulu, kutuvua bela meji ne: netupete muaba uvua bena Yuda batendelela. Tuetu kusomba muaba awu, kuyukilangana ne bakaji bavua basangilamu.

Bienzedi 16:16

Dituku dikuabu tuvua tuya muaba uvua bantu batendelela. Tuetu kusambakena ne mukaji mupika, muikale ne mukishi mubi uvua umusaka bua kuambila bantu malu adi ne bua kuenzeka. Uvua upetesha bamfumu bende lupetu lua bungi ku mudimu awu.

Bienzedi 18:22

Utuluka mu Kezareya, kuyaye mu Yerushalayime, bua kumonangana ne Tshisumbu tshia bena ditaba. Pashishe kuyaye ku Antiyokiya.

Bienzedi 20:13

Tuetu kudianjila kubuela mu majuwa, kuya ku Ashose. Ke kutuvua ne bua kuangatshila Polu mu majuwa. Uvua mumane kujadika nanku, bualu uvua ujinga kuyila mu njila wa ku makasa.

Bienzedi 20:6

Kunyima kua tshibilu tshia Mampa kaayi mela buanga, tuetu kumuka ne majuwa mu Filipe, kuenda matuku atanu, kusangana bena ditaba netu aba mu Trowase. Tuetu kushalamu lumingu lujima.

Bienzedi 21:16

Bena ditaba ba mu Kezareya kutushindikija. Kutufdabu kua Mnasone, bua tuetu kulala kuende. Uvua muntu wa mu Shipre, umue wa ku bena ditaba ba kumpala.

Bienzedi 23:23

Ke mulombodi kubikila bindonda biende bibidi, ubiambila ne: — Sangishayi basolayi, nkama ibidi badi ne bia mvita biabu bionsu, bakuabu makumi muanda mutekete babandi ba pa tubalu, banga nkama ibidi badi bambula amu mafuma. Nudilongolole bua kuya ku Kezareya bufuku, diba dia tshitema.

Bienzedi 27:1

Dituku dituvua ne bua kubuela mu majuwa bua kuya ku Italiya, kufilabu Polu, ne bamue bena lukanu bakuabu, kudi Yuliyuse, mulombodi wa tshisumbu tshia basolayi ba bena Rome, tshiyuabu binyika ne: “Ntshia Kezare,” bua tshibalame bimpe mu njila.

Bienzedi 28:11

Kunyima kua ngondu isatu, tuetu kubuela mu majuwa a ku Aleksandriya, avua dina ne: “Mvidie ya Mapasa.” Avua mashale mu tshidila ngondu yonsu ya muvu wa mashika.

Bienzedi 28:16

Tuetu bamane kufika mu Rome, kuanyishabu bua Polu ashale pa nkayende, bamulama amu kudi musolayi umue.

Bienzedi 6:5

Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Bienzedi 9:30

Balongi bamanya bualu abu, kufilabu Shawule mu Kezareya, bua afike mu Tarse.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

2 Timote 4:5

Kadi wewe udilame, umanye bionsu biudi wenza. Wikale ne lutuulu mu dikenga. Ulongeshe bimpe Lumu lua Disanka. Ukumbaje muebe muonsu mudimu uudi wenzela Mvidi Mukulu.