Bienzedi 21:7 - MUKANDA WA MYIDI MUKULU

⁷ Tuetu kumuka mu Tire, kuya mu Ptolemayise. Ke mutuvua bajikije luendu luetu lua pa mayi nanku. Mu Ptolemayise tuetu kuya kukumbula bena ditaba, kushala nabu dituku dijima.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hatuakashikisha luendu lutuakafuma nʼalu ku Tulo, tuakafika ku Tolemai, nakelangana ne bana betu muoyo, tuakalala nʼabo difuku dimue.

Bienzedi 21:7 교차 참조

Matayi 5:47

Panudi nuela anu bana benu muoyi, nudi nuenza bualu bupiabupia bua dikema anyi? Bantu ba bisamba bikuabu badi benza pabu nanku.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 12:20

Erode uvua mufikile bena Tire ne bena Sidone munda bikole. Nanku bena bimenga ebi kudisangisha bua kuya kumyuangana nende. Kulombabu Blastuse, mulombodi wa bena mudimu ba mu nzubu wa mukalenga, bua abakuile. Pashishe kumanyishabu Erode muvuabu bajinga kumyuangana nende. Bualu matunga abu avua apeta biakudia mu ditunga dia mukalenga Erode.

Bienzedi 18:22

Utuluka mu Kezareya, kuyaye mu Yerushalayime, bua kumonangana ne Tshisumbu tshia bena ditaba. Pashishe kuyaye ku Antiyokiya.

Bienzedi 21:10

Tuetu bamane kushala muaba awu matuku makese, ke muambi kampanda, diende Agabuse, kufumina ku Yudeya.

Bienzedi 21:17

Tufika mu Yerushalayime, bena ditaba kubakidila ne disanka.

Bienzedi 21:19

Polu kubela muoyi, kubalondela malu onsu menemene, avua Mvidi Mukulu mukumbaje ku mudimu uvuaye muenze munkatshi mua bantu ba bisamba bikuabu.

Bienzedi 21:3

Bafika pabuipi ne Shipre, muaba uvua tshidila tshimueneka ku diboku dietu dia bakaji, tuetu kupita kuinshi kuatshi, kuya ku Siriya. Tuetu kutuluka mu majuwa mu Tire, bualu ke muaba uvua majuwa ne bua kushiya bujitu.

Bienzedi 25:13

Kupita matuku, mukalenga Agripa, ne muanabu wa bakaji Berenike, kufikabu mu Kezareya, bua kuela Festuse muoyi.

Bienzedi 28:12

Nanku tuetu kufika nawu mu tshimenga tshia Sirakuse, kushalamu matuku asatu.

Ebrewu 13:24

Nuele balombodi benu bonsu muoyi, kabidi ne bantu bakuabu bonsu ba Mvidi Mukulu. Bana hetu ba mu Italiya badi banuela mioyi.

1 Samuele 10:4

Bantu abu nebakukonke muudi muladile. Nebakulambule mampa abidi. Wangata mampa awu.

1 Samuele 13:10

Ujikija kulambula, Samuwele kufika. Shawule kuya kuakidila Samuwele, umuela muoyi.