Bienzedi 21:5 - MUKANDA WA MYIDI MUKULU

⁵ Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hatuakashikisha kulalamu matuku, nakumuka, tuakaya ku luendu luetu; buonso buabo, ne bakashi ne bana, bakatushindikila tô ne hatuakahatuka mu musoko; hatuakatua binu kukala kua mai, nakatendelela Nzambi, tuakalayangana nʼabo.

Bienzedi 21:5 교차 참조

1 Bakalenga 8:54

Pavua Shelomu ulomba, utendakena Maweja-Nangila, uvua anu mutue binu kumpala kua tshilambuilu, muele bianza mulu. Mamane kujikija kutendelela, kujukaye,

2 Kulondolola 20:13

Bena Yuda bonsu, bakaji kabidi ne bana, bavua bimane kulu kumpala kua muaba wa tshijila.

Nehemya 12:43

Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Matayi 14:21

Bavua badia bavua bantu bu binunu bitanu, katuyi tubala bakaji ne bana.

Marke 1:40

Muena nsudi kufika kudi Yezu, kumufuila binu, umusengelela wamba ne: — Bu wewe musue, udi mua kungondapaku.

Luke 22:41

Ke Yezu kumuka muaba uvua balongi bende mutantshi wa dibue dikupa. Kutuaye binu, utendelela,

Bienzedi 15:3

Tshisumbu tshia bena ditaba kubambuluisha bua kuya ku luendu alu. Bavua bapitshila mu Fenisiya ne mu Samariya, balondela bena matunga aa, muvua bantu ba mu bisamba bikuabu bitabe Mvidi Mukulu. Bualu abu buvua busankisha bena ditaba bonsu bikole.

Bienzedi 17:10

Bufuku buila, bena ditaba kutuma Polu ne Silase mu Bereya. Bafika muaba awu, kuyabu mu nzubu wa kutendelela wa bena Yuda.

Bienzedi 20:36

Polu mumane kuamba nanku, kutuaye binu ne bavuaye nabu, kutendelelabu Mvidi Mukulu.

Bienzedi 20:38

Bavua ne dibungama, nangananga bualu uvua mubambile ne: katuakumonangana kabidi kashidi. Pashishe kumushindikijabu too ne ku majuwa.

Bienzedi 9:40

Petro kupatula bantu bonsu mu nzubu, kutua binu, utendelela Mvidi Mukulu. Pashishe kutangilaye tshitalu, wamba ne: — Tabita, biika! Tabita utabala, kumonaye Petro. Kujukaye pa bulalu, kusomba.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Yoshua 8:35

Yoshuwa kubadila bena Izrayele mikenji yonsu ya Moshe anu mushindu uvuaye muyifunde mu mukanda. Diba divuaye ubabadila, bena Izrayele bonsu bavuaku, kabidi ne bakaji, bana, ne benyi bavua munkatshi muabu, bavua amu bateleje.